生 bb 去邊度睇醫生好？

私家醫生同公立醫院的檢查都係根據孕婦的懷孕期去做, 六個月前, 大約四星期一次, 六個月後兩星期一次, 八個月就一個星期一次
之不過, 公立醫院檢查日期和時間, 稍欠彈性, 要在醫院做產檢的辦公時間, 每間醫院的安排也不同
公立醫院及私家醫院的檢查程序也大致相同, 不過私家次次都會照超聲波, 公立醫阮只會照一至兩次, 又唔會講比你知BB性別
費用方面, 公立醫院做產檢完全免費, 私家就要逐次收診金, 一般由四百到過千都有, 視乎醫生是否出名
你去邊間醫院登記?? 我之前兩胎都係在廣華生, 都唔使話要三個月先做第一次產檢喎.... 第一次要驗好多嘢, 登記時姑娘都話越早越好喎!!
廣華醫院的產科在公立醫院中都好有名, 儀器也先進, 有3D超聲波的, 助產士, 醫生及護士都唔錯, 我都係有朋友介紹, 況且我又住係九龍區, Q醫最唔好, 因為太太多人了, 醫護人員應接不暇, 想做好D都無能為力...
私家醫院, 主要跟個醫生, 你睇個醫生係邊間掛單, 咪係邊度生囉... 私家醫院可以選擇丈夫陪產... 不過經驗所得, 丈夫陪產唔幫到D咩嘢, 有朋友話有老公係度仲唔好, 一方面自己有依賴, 會嗲住老公, 另外老公見過血淋淋, 佢仲驚過個孕婦喎...
收費方面, 除左私家要比每次產檢診金費用外, 你要醫生同你生, 要另外支付醫生費用, 住院費, 伙食費, 手術室費, BB剛出世住醫院都要比錢, 如果要開刀, 醫生費會更貴, 也要付麻醉師費用, 不過一般婦產科醫生都有package, 順產有一個package, 開刀又有一個package.. 當然生產過程中有咩差池, 要動用其他額外的醫療設施, 醫院會另計... 順產大約萬零兩萬埋單, 開刀約3-4萬...
公立醫院, 只收每日的住院費, 大概$100一日, 包晒膳食, 檢查同所有手術 (如需要) 的費用, BB無事無幹, 唔使住兒童病房, 跟住媽媽, 唔另外收錢, 只需自備紙尿片...
你可以兩邊都做產檢, 因為你想生公立醫院生, 要先做登記, 及在那醫院做產檢, 期間同時可以到私家醫生度做檢查, 花多少少錢... 遲D再決定係私家生定公立生囉

我昨天去龔羽一醫生做產檢, 才發現他的診所也有做初期懷孕檢查 (即驗吓 bb 有沒有 "唐氏" 或期它問題), 費用好似係 hk$1,350-, 但佢已沒有做接生了, 只可 refer 給其它醫生.

我覺得天依家啲政府醫院也不錯呢, 服務又好, 又可以節省很多錢留作產後補身用. 現在有很多政府醫院都可以陪產, 只要上一些 course 便可.

廣華是我首選.

我生ｂｂ　ｏ個陣都係兩者都有去．政府醫院的產前檢查比較求其，問多兩句都好似唔耐煩咁．同埋只會照一次超聲波，又唔會話你知係男定女．私人醫生就好好多（因為收費貴嘛）通常６個月前都係兩個月度ｃｈｅｃｋ一次，每次會照超聲波，又會問你想唔想知男仔定女仔．到７個月至臨生前就一個月覆一次診．仲會幫你睇下夠唔夠胎水，有無兔唇，ｂｂ心臟有無問題．．．． 我臨生前都唔會一個星期覆一次診，每次$600,懷孕8個月＆9個月時咪成＄２４００一個月！！！
我上年ｏ係屯門醫院生，我老公都有陪我入產房睇住我生ｂｂ，不過要ｏ係懷孕３０周前填ｆｏｒｍ．
我私家檢查ｏ係旺角，如果你想知可以問我．係照４ｄ，可能會比較貴．

聖保祿醫院

廣華醫院都ok

港島的私家醫院