名古屋 - 飛驒高山 - 白川鄉 - 名古屋 / 京都

不買比較好.
假定你的行程在7天內完成, JR pass 最便宜的7天證最少28300圓. 比較單程交通費如下:
1. 名古屋至高山
搭JR特急火車的話, 5360圓. 改搭比較慢但更便宜的高速巴士, 只需 2900圓

2. 高山與白川鄉之間
全程使用濃飛巴士, JR pass 不適用

3. 高山至名古屋
同上, 搭JR火車的話, 5360圓. 搭高速巴士, 只需2900圓. 買來回票還多省一點, 只需5000圓.

4. 名古屋去京都
JR新幹線4930圓.

5. 京都+神戶+奈良+大阪等地的周遊
各市距離很近, 每程單程只要幾百圓. 用幾天時間周遊這些地方, 甚至把去関西空港那一程算進去, JR車費預算5000已經很充裕.
計算一下, 便一目了然.

況且, 以上已經假定你在七日內遊遍名古屋, 高山, 京都, 奈良, 神戶, 大阪. PASS 要七天連續使用, 若不能在七天內去遍所有地方, 餘下的行程都要另付費.




2008-02-19 13:17:09 補充：
你說兩個網址查車費不同, 如果相差不是很大, 就大概是豪華車廂和普通車廂的分別, 請看清楚.如差別很大, 超過2000圓, 那就是搜索有誤. 去高山的火車, 我寫的火車費5360圓是hida號特急, 包括基本車費3260圓和特急附加費2100圓, 搭特急 (136分鈡) 的話兩個車費都要付.查兩個網址都應查到這個車費.

2008-02-19 13:21:41 補充：
如果查到車費是3260, 這只是基本車費, 不能搭特急, 同樣旅程要換乘多次, 車程可以花上4小時或以上.對不起, 我不知道怎樣在香港網上預訂日本火車票, 也不知道ekikara可以這樣做, 但乘車時去售票處買也是很方便的, 可以在第一天買妥日後各程車票. 我的意見, 以你的行程, 不算在高山留得太久.

你LEE個行程唔需要買JR 全國PASS,因為都未必會便宜到,用散票仲方便
你所講兩個WEB SITE都係JR,5360的係自由席車票,5870係指定席車票,其實由名古屋去高山的人唔多,坐自由席都OK
唔知你的詳細行程,但我上年去左高山&白川鄉,高山一共留左2晚,其實高山唔係好多野睇,但白川鄉的行程真係好建議你BOOK間民宿住一晚,如果你迷上白川鄉的風景,但你又無BOOK民宿住一晚,而只係即日走的話,你可能會好後悔
白川鄉唔大,其實半日都行完,但咁田園景色的地方,馬路旁隨時會有烏龜走出黎,草屋頂,一入屋就聞到D草的味,好友善的路人會主動同旅客打招呼,如果天氣好的話,晚上應該有好多星星,LEE個體驗對城市人黎講真係好寶貴.


2008-02-16 15:22:11 補充：
名古屋的JR已經唔屬於JR WEST RAIL,名古屋係日本本州中部地區,如果要用JR PASS,就係JR全國PASS先合用

2008-02-16 22:43:25 補充：
2個web-site都係show出jr的時刻表,但係http://www.ekikara.jp/top.htm 唔係JR自己的WEB-SITE,你試下用2個WEB-SITE去SEARCH相同日子,時間,地點的車票,SHOW出黎有D唔同,所以最好都係用番JR自己個WEB-SITE黎SEARCH,至少會UP-DATE D.另外你唔需要做訂票的,去到日本先買票,甚至坐車前先買票都OK,只要唔係日本的公眾假期,而高山又唔係有D咩節慶,咁唔會好多人入去高山GA咋!

2008-02-16 23:10:12 補充：
我當時由名古屋去到高山係3pm,响旅館放低行李就外出逛,因為已經係下午,所以只係响旅館附近睇下,行下.第二朝正式遊高山,我無去高山屋台會館,都無去飛驒民族村,我覺得飛驒民族村係俾d去到高山,但唔會去白川鄉的人參觀的,等佢地都有機會見識一下合掌屋.我只係去左"上三之町"(即係江戶時代的街道),逛左d高山傳統房屋,大清早就去左"宫川朝市",對我黎講,lee個行程一個白天都夠,响高山再住一晚.

2008-02-16 23:10:50 補充：
第三天早上坐巴士入白川鄉,到達時都接近1 pm四處拍照,5:30pm開始天黑(果時係9月),咁就返民宿過一晚,第二朝好早起身又去影相,可以中午先離開,但我因為要趕回東京,一日要坐6小時車,所以10 am已經離開白川鄉,但留在白川鄉真係好玩過响高山好建議你在白川鄉留一晚,好多人响白川鄉住過都有lee個建議的,合掌屋真係要住一下,果度d風景對都市人黎講,真係一個好好的回憶!

2008-02-16 23:11:11 補充：
如果你住民宿,我介紹lee間俾你,我上次都係住lee度,個屋主識d 英文,咁溝通會好d,同埋佢得3間房出租,d人客唔太多,會清靜d.同埋佢唔係响白川鄉中心,係响外圍,所以風景區反而開揚d,屋出面會見到農地,如果係白川鄉中心民宿,真係屋對屋,風景差左少少,但就出入方便d,不過我lee間都係落巴士後,行10mins就到,都唔係遠,事實上白川鄉係好細.http://www.shimizuinn.com/