貓坐厠, 急!!!

1 新產品,我的貓貓未用過,但個人覺得,如果自己的貓貓已撓得跳上人用座廁如廁的話,還需要這樣的廁所嗎?令外是貓貓本身的習慣是很難改變的,已有自已排便習慣的貓貓已很難改了,

2 貓貓的爪子會把廁板爪緊的,不會容易跌落去,這點是可以放心,如果初訓練貓貓的這也未嘗不可,但我會用另一更節省的方法,買一個小童坐廁板唔係一樣仲平D嗎,只要在裡面加上 一個筲箕咪一樣可以做貓廁所,唔使吓吓咁破費ge

我見過,係幾年前的發明,個陣我牙媽自己正左個用個盆中間開個洞,同你想買個個都一樣不過係diy的,個日比我隻貓試下啦,佢成日都唔敢去厠所,之後我都唔敢再比佢試啦,因為貓貓去開個個地方佢己認定架啦,如果你真係好想的話,你可以係佢貓坐厠到放你貓貓的便便,佢可能會去個到解決的,我試過啦。

我朋友送了一個"貓坐厠"給我的貓貓用, 但由於我三隻貓都成年了,而且佢地一直都用貓沙盆,所以對"貓坐厠"一d興趣都無,只係走過上去一次,但之後就掂都無掂過. 個"貓坐厠"用左一個月, 我就決定送俾人, 因為我覺得成年的貓不會喜歡或識用.

另外我有朋友養左兩隻三個月大貓仔,佢最初都滿懷希望貓仔會用"貓坐厠",可慳番買貓沙錢. 但過左成個幾月貓貓都係唔係好識用, 整到成個廁所面都係大小二便, 所以佢都諗住放棄.

我諗貓貓應該不會太易跌落厠所,因為"貓坐厠"穿洞的位置不是很大, 但這又意味其實要貓貓對準穿洞的位置大小解并不很容易.

如果你決定買的話,就要用很多時間/心機訓練貓貓用, 但好可能你點教佢都唔識用. 你可以衝量下再作決定啦!

我都養左貓6年.... 個人認為... 唔係咁好 lor. 始終佢係貓黎 ka ma. 又唔係人. 最緊要係, 人又坐番落那個廁所喎. 好多菌 ka ma.......咪互相感染??另外，貓貓覺得佢個砂盤；係佢既地盤兼安全位黎 ka ma.....唔好抺煞左佢 lor. right?