異地戀成功率

年齡這個不是問題
最重要係根本唔知佢幾時會番黎
而且,,你地最多只可以靠電話或者電郵黎維繫
好多野你睇唔倒估唔倒
你確保唔倒唔會有人鍾意佢
你確保唔倒唔會有人鍾意你
你可能確保倒你唔會鍾意第二個
但你確保唔倒佢唔會鍾意第二個
再講佢都無信心
咁痛苦..
你可以等既,,

2年前我同左個女仔拍拖~
我對佢超衰~但佢都好愛我。
過左1年佢要去英國讀書~3個月返黎1次~
我後悔~開始每當佢返黎都對佢好好,好錫佢好愛佢~
仲紋埋身添~有佢名。
不過2年過左~
佢試過返黎唔搵我~我搵佢唔到。
之後有次佢返黎~同我講其實當佢果邊已經有男朋友~
原因係佢需要人照顧時我唔係渡。
所以異地戀既機率真係好低~
我成認佢未去英國前真的死心塌地愛我~
去到果邊咩都會變晒~

當年我認識了她1個月不顧一切去一起，因為她是我人生最夾的人。

我比女友大6歲，當她在外面讀書時，只能靠電話維持，一個人係好痛苦，有好多並不是可以想像的，所以你要有心理準備。而且你們兩個必須要很清楚了解對方而且完全信任。另外必須明白自己同對方要乜，並評估自己和對方有沒有這能耐。我女友現時已回來一年多了，並準備兩年左右結婚。簡單說要維持異地戀只能靠信任，電話俾你24小時講都無乜用，而且要清楚自己做乜先俾到安全感對方，要是做到就應該無大問題了。我們就每天打電話同EMAIL，我一年飛一次佢飛兩次回來。有乜發生都同對方分享，咁就唔會令人覺得你將佢抽離左生活。

你們如果已到可結婚階段，可以註冊然後叫佢申請你移民過去，再搵份工一齊供樓。純粹個人故事，我們成功了，Good Luck

我認為忠於自己的感覺, 你同佢在各方面都好夾, 都幾難得.
不過, 你有無考慮佢年紀細, 無信心或經驗面對異地戀, 雖然我唔排除佢係想離開你先用呢個回加拿大的藉口, 但做人應向自己的幸福出發和爭取, 如你真係認同 27 年來最夾的一個伴侶出現了, 不如試下大家會唔會因為分隔兩地而感情轉淡, 要你完全放棄香港的一切, 包括事業, 家庭和朋友, 去到加拿大從新發展, 應不是太合適.
個人意見 : 先保持大家以各種方式聯絡, 有假期就大家遷就, 誰回香港, 誰往加拿大, 為了保持這段感情, 重要嗎? 直至最後大家都認為必須一同生活, 何不結婚, 來個白頭到老

其實而家科技咁先進.....
一定可以fix到呢個problem既....
msn...web cam...e-mail...telephone...
樣樣都可以聯繫到大家既感情啦...

我身邊都有朋友係咁啦....
女既去外國study....
男既係hk發展....
女一年返一次...
今年都第3年啦...
咪仲係咁恩愛...

如果真係咁愛大家既.....
分開幾年時間都唔係d咩好大問題ja.....
佢黎ｈｋ都無地方落腳 ....... 你屋企唔得咩???
有ｄ　ｆｄ都覺得咁樣佢會浪費左我時間.........真係知心既朋友一定會支持你既...
我又真係唔覺得買張機票有幾難...
佢返唔到黎hk....咪你去搵佢law.....
一年總有個大假得閒架ma...

香港大把女仔30之後先結婚啦....
你而家先27....都唔代表d咩架....
小學都有教啦......只要有恆心....之後你知啦.....
佢已經無咩信心...如果連你都放棄埋...
唔好話1年啦....1個月都無啦

你都識話大家好夾啦.....
你諗諗27年以來...有幾多個男人可以同你咁夾????
一生又有幾多個27年丫....
唔通你又用多27年搵一個同而家一樣咁夾既人咩....
就算比你搵到....
到時又係咪真係可以咁順利同佢結婚先?
而家難得搵到一個各方面都咁夾既人....
就唔好輕易放棄...
如果唔係....自己都對唔住自己啦..
係咪

你學歷好唔好丫...
如果你可以豁出去既...
你跟埋佢一齊過去發展law....

可能你會覺得我『好傻好天真』
但一生人...總會傻一次既....
不過最緊要既係...自己覺得值得咪得law

祝你成功！

第一. 你今年27,人生有幾個27(重要係女人)等多一兩年佢話唔要你,你人老豬又黃好難有人要,除非你keep得好-.- .
第二.佢連自己都話無信心,其實係想飛你.但係又唔忍心講出來,你咪放過佢!
第三.香港地要搵錢會難得過加拿大,唔好玩la.係香港搵錢寄過去唔得咩,一定要走.如果佢真係愛你就要想辦法留低同你一齊,走左點愛你.係咪?
第四.27歲 係你的事業高峰期,唔好諗禁多無聊野,搵到錢係方你無男朋友咩?
希望d 小小意見你真係明白la.感情喱d野係講緣份,緣份天注定.師主隨遇而安la
^.^ ^.^

如果你可以放棄香港嘅一切的話, 就跟埋佢返加拿大啦, 係算失敗又點喎起碼唔會後悔, 要搵一個對自己好又夾嘅人好難架.