離職通知期

如果你o係離職通知期請假三日, 係要補番你請左假果三日俾佢架

你唔補番果三日俾佢, 你都要補錢呢,,,

因為我之前試過, 我o係一間公司做, 之後我離職, 果陣我係七日通知, 我七日都冇番到, 咁果陣我以為我只係冇左果七日糧姐~~之後~~我隔左幾個月, 收到果間公司o係小額錢債告我, 要我俾番果七日錢佢, 我即打電話去勞工處問番咁樣得唔得, 我得到既答案係...勞工法例係咁既呢,,, 我好無奈咁去俾左果七日錢呢~~

所以係要補架 -,- 勞工法例都唔保障打工仔既 =,=

2008-02-18 04:07:11 補充：
如果係好似你咁講~~正常就係到3月3 就可以架啦不過都要睇番你公司係要你補足咁多日俾佢丫, 定係要你補錢

公司是依照香港勞工法例行事，事假是不可以在離職通知期內扣除。你只可以延長離職通知期或補回三日人工給公司，否則公司可以告你，手尾會很長和消耗不少時間，而且你最後都是輸及要賠錢！

為免影响的未來的生活，建議你賠三天人工了事。

首先, 勞工處既條文寫明
事假唔可以係代通知期內頂替
所以一講有關代通知期內事假, 公司都已經有決定權

第二
而任何時候, 包括不在代通知期內, 公司亦都有權唔批事假
所以公司任何時候都可以係唔批事假
而員工缺勤既話, 係可以出警告信既, 而且可以唔發缺勤既工資.

而今次既case, 你公司係可以要求你補返三日, 而且佢可以追究你既缺勤添
如果你唔返, 你不單冇呢三日既錢, 仲要補返三日比佢添
如果你既合約另加條款, 你有機會要再另外比錢佢添

如果你唔返...佢九成告你...因為佢贏硬
到時你仲要比堂費添呀

比錢算吧啦

下次如果唔舒服既話
記得請病假呀