我岩岩買左2隻倉鼠,以前果隻比人幫我養緊

1.在鼠店既鼠已有生育能力,如果一對鼠唔打死既話,隨時都有機會懷孕,懷孕19-22天左右就會生bb

倉鼠懷孕係好難用肉眼去睇到,因為懷孕期短,而且倉鼠係會出現假懷孕既,連獸醫都有機會會驗錯,懷孕既特徵有以下幾點,但的確唔易肯定:
a)鼠媽媽個肚會忽然大左少少,但食得太多野都會肥.
b)乳頭會較為明顯.
c)心情煩躁,但兩隻鼠一齊,好多時會有打交既情況,所以冇bb都會咁,所以難分

不過希望你好好考慮清楚先去繁殖鼠鼠,鼠b由出生到21日戒奶呢段時間都唔可以掂,到鼠b戒奶後,其實同鼠店既鼠都差不多大,鼠店既鼠多數都係戒奶冇耐既
加上其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
a)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
b)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
c)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
d) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
e)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

如果真係堅持要繁殖,則要了解左繁殖要諗既野同點去照顧生育後既鼠,詳細可參考以下我回答既知識:(字數有限,煩請移步)
http://hk.knowledge.yahoo.com/question/?qid=7008010600899

2.冇轉輪好易令鼠鼠運動不足而有麻痺同肥胖既問題,肥胖係可以誘發好多疾病,所以建議你都係為鼠鼠裝返個安全既轉輪(即係冇隙唔會卡到鼠鼠既腳)

3.倉鼠分男女:
你可以睇下佢排泄既位置,應該會有2個孔,分得遠d既就係男仔,相反近d既就係女仔.

而大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸

2008-02-15 00:10:52 補充：
而且一籠兩鼠,鼠鼠大多受驚or感到壓力,除左易有病之外,仲會較惡

2008-02-15 00:33:54 補充：
其實我有答閣下,請看最後一段,唔接觸鼠鼠只可以咁去睇新買鼠好易受驚,加上成日趺都好易受傷,最好唔好勉強鼠鼠

1 你岩岩養要等下先架LA, 因為有時未必成功, 試過可能要第三/第四胎先成功, 每胎至少都要等一個月......有時BB生得出, 都會因身體問題養唔大
2 買坐地的鐵轉轉($19左右)/ 坐地的花花型的膠轉轉 (MR牌)/ 軸心好幼的膠轉轉(MR牌$39左右 細SIZE) 好易裝的~如果你係用有鐵框的籠
3 男會有" 大PET PET" 即有2舊肉陲下來, 一個月大應該會見到......
你用細透明盒, 等佢企係度就會見到....OR
用膠袋, 如窄身的雨傘膠袋, 就可以"O禁" 住佢PET PET　睇下，　不過通常都會自己翻來翻去睇唔到
ＯＲ　LATER....如佢真係一男一女, 生到BB, 咁會餵奶的當然是媽媽, 另一隻是爸爸啦~

方法咪我出錢買．．．你賣比我啦　！