澳門二天自由行

以下是我自己計劃的行程及資料 , 請參考及自行作出調整 :

1. 酒店方面 (假期較貴) ***最近部份酒店套票已不包早餐, 購票時宜詢問清
楚*** 套票可到油麻地旅遊或中旅購買 , 前者平少少. 因出發日期不同而價錢
相差很大 , 以旅行社為準.
較新的 --- 利澳 , [ 澳門] 來回船票 + 酒店 + 早餐 + 接送 約 $650-$750 1 位

交通方便 --- 新麗華 [ 澳門] 來回船票 + 酒店 + 早餐 + 接送 約 $600-$7001 位

經濟的 --- 格蘭 , 駿景, 君怡 [乙水 仔] 來回船票 + 酒店 + 早餐 + 接送 約 $480-$580 1 位

(住過澳門6間酒店的我強烈推介君怡 ,面對馬場, 感覺舒適 , 早餐餐廳環境,氣氛很好 , 適合二人世界.

客房享用專用樓層 , 沒有這層樓房咭電梯不能到這層 , 不會太雜 , 面對馬場 和四面佛,

酒店附近就有一間很大 的超級市場 , 買野返酒店食很方便 , 有泳池 ,健身室 和賭場 ,

, 價錢又唔貴. ok架 , 不過賭場不大 , 賭還是到金沙較好.)

如想住豪一點可選擇永利 , 威尼斯人渡假村 , 威斯汀等, 不過真係幾貴

我住過金都 , 格蘭 , 新麗華 , 維景 , 利澳 , 威斯汀等

酒店+來回船 一齊 買 當然會 便宜一點

第一天

1. 上午到達澳門後 , 先在碼頭取免費地圖 , 可搭甩免費專車到

[乙水 仔] 先到威尼斯人渡假村遊玩---->
,
龍環葡韻住宅博物館 , 附近又有教堂 , 環境幽美 ,好靚 , 合拍照'很多人在這

裡拍婚紗照 ,是拍拖勝地 ,---->到酒店攞房 後到 乙水 仔官也街附近大利來食猪扒包 ,木糠布甸,


2. 搭巴士到路環黑沙海 灘 燒烤,也可到旅遊塔或金沙食自助餐


3. 晚上可到跑狗場睇賽狗, (賽期可詢問酒店職員),也可搭免費車到賭場 , 參觀永利 ,金沙 ,新葡京,皇冠,美高梅金殿等

第二天

1. 酒店早餐後可參觀大三巴 , 澳門博物館 ,---->賽車博物館 ,紅酒博物館 ---->二龍侯公園

, 纜車, 國父紀念館 , 盧九公園 ,觀音堂---->新馬路噴水池 ,郵政局 附近行街食麵 , 甜品小食---->

媽閣廟 , 海事博物館 , 如須回港 ,可在附近買手信,

3. 漁人碼頭 ---->可步行到澳門碼頭坐船回港

以上行程大部分可以搭巴士 ,巴士站和車身都有詳盡路線表,

又平又方便 , 澳門人很友善及樂於助人 , 問路絕無困難


*影相好去處 --- 乙水 仔 住宅博物館 ,

議事亭前地市政廳內 ,

漁人碼頭

各大賭場晚上霓虹夜景

各大教堂

大三巴

聖母像

黑沙海灘

*食物方面 :

在乙水 仔 官也街落車 , 就有莫義記大菜糕 , 木糠布甸 , 好味道

隔離就有誠昌水蟹粥 , 不過都幾貴 ,

行過D就有木偶 ,小飛象等多間葡國餐廳 , 葡國雞 , 馬介休 , 自然少不了 ,

離官也街稍遠有一間不大起眼的房屋 , 所賣的鳥結糖很不錯 ,

再過D就係大利來記猪扒包 , 咖哩魚蛋 , 加埋維他奶 , 正.

跟住可以搭巴士返回澳門, 新馬路落車 , 在對面是典當博物館 ,

後面的新埗頭街頣德行食豆腐花 ,

在清平直街 ,福隆新街祥記食蝦子撈麵 .

附近李康記食魚翅 , 佛笑樓食咖哩蟹和焗猪扒飯 ,

在議事亭前地附近的營地街市 , 樓上熟食中心 ,

雖然平民化 , 但有很多野食 , 又平又好味

同樣在議事亭前地義順食雙皮奶 , 附近食大堂炸雞 ,

之後又可以去荷蘭園禮記食雪糕三文治 ,

再唔飽既話 , 可以去埋金沙食環球自助晚餐 , 計埋加一都唔駛$200 .

此外 , 漁人碼頭都有很多酒吧食肆的 , 環境和氣氛也不錯哩 !

*順帶一提 : 各賭場均有免費專車行駛碼頭至賭場 ,

有些 (如金沙) 更有來往關閘至賭場線 , 盡量利用可以省回不少車費.

由於賭場有代客寄存行李的服務 , 在退房後我會將行李放在賭場 ,

然後到處遊覽和買手信 , 玩完才返賭場領回行李,

跟住坐專車到碼頭返港 , 非常方便哩 !
**去威尼斯人渡假村不要著黑白橫間tee ,
因為渡假村內門僮和服務員都穿上黑白橫間衫,
除非你有亳融入其中喇 !



希望可以幫到你

你可以去中旅社訂澳門酒店的: 酒店方面首選可以考慮位於南灣大馬路的京都酒店. 雖然只有3星級, 不過鄰近新馬路/福隆新街/議事亭前地/大三巴牌坊...等主要景點, 由酒店行路過去唔駛一陣就到. 第二選擇可以考慮京都酒店對落一條行的新麗華酒店. 3星級及鄰近市區, 而且最近翻新過. 如果想要平價賓館的話, 澳門議事亭前地新中央郵政總局果度有一間叫做新中央的賓館, 只需200元一晚. 另外澳門福隆新街都有好多100-200元的平價賓館架. 而且新中央賓館及福隆新街的平價賓館位於澳門市中心地段, 去大三巴/大炮台/澳門博物館/媽閣廟...等主要景點都好近, 行路去的話唔駛一陣就到.
當你從香港坐船去到澳門後, 你可以在澳門碼頭的旅遊局取一份免費地圖的.
以下是我去開的澳門行程給你參考:
DAY1:
早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到聖安多尼教堂及白鴿巢公園, 果條路仔有好多古董賣的). 中午可以在議事亭前地中央郵局附近的黃枝記食LUNCH, 主要係食中式粥類及粉麵.
下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂. 傍晚可以落一落去位於新口岸的觀音像及宋玉生公園參觀. 晚上可以去漁人碼頭玩及到附近的新八佰伴SHOPPING, 新八佰伴頂樓有美食廣場, 你可以在那裡食晚餐. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 可以食埋消夜才回酒店. 回酒店之前順道去埋賽狗場附近的三盞燈睇特色街燈.

DAY2:
早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的. 中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半). 晚上可以去附近的熊貓餐廳食地道的萄國菜. 請緊記要預鬆D時間由氹仔出返碼頭, 因為預左會有少少塞車.

DAY3:
早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡.
如果在澳門乘巴士前往各景點的話: 市區劃一2.50元, 去氹仔3.3元, 去路環5元.

我上次11月中在中旅社買套票 2日1晚 (雙人房,包早餐, 來回船票, 住維景酒店近市區, 每人五百幾, 如果住路？, 要過橋, 行夜市無甘方便, 不過會平少少.)到澳門, 上船後, 到澳門旅遊局 取支料(一間房內有詳細地圖, 旅遊指南, 食市介紹........等)。 出大街, 左手邊找自己酒店免費車. 你寫d 地點有d可以行到或坐公車.(到時看地圖問酒店的人, 他們很樂意答和街上人), 威尼斯人酒店 , 因內有賭場,所以有免費專車去1,2個站.... (忘記站名, 自己留意). 金沙賭場有人推車 (內有果汁,樽裝清水......免費的, 但一出很快無晒, 上三樓比較少人取。 講食幾時都不及香港, 最好行到邊食到邊. 豬扒飽會遠些, 看地圖, 相近地方同一日去, 記住去晒所有旅遊點才買手信, 如果重, 抬住再行旅遊點會無心情。