✔ 最佳答案
老實講..分手冇可能唔傷...
我認為最好唔好用逃避...例如:唔聽佢電話個D(樓上幾位既建議..先說聲抱歉..在此並非針對只是我不贊同這個辦法而已)...因為你咁做..你既男朋友係唔會將佢既感情變淡...
如果真係決定左分手(請三思,因為照你所說佢係個好人..對你好好..我認為你會有好大機會係分手後想復合..到時又製造了另一個麻煩)..一定要好好對佢講...講野婉轉D...唔好直接話"我對你冇FEEL"等既說話...因為真係好HURT...比著你男朋友同你分手既時候對你講呢D野..你會點呀?
其實我建議你同佢坐低傾傾呢個問題...如果唔係大家都會好辛苦...而且你地都一齊幾年啦..你到底係因為D咩令你對佢既感情突然變淡??唔好答唔知..有果必有因...你仔細想想..分手係唔係一個好既決定...
仲有!!!
千祈唔好俾自己做一D令將來自己會後悔既野...到時可能會仲痛苦!!!
其實我上一段戀情...同你差唔多.只係我同我既ex-bf拍得冇你咁耐...
我就決定左同佢分手..之後真係好痛苦...不過都過左好幾個月啦..依家冇咁傷...
不過都仲係有d鍾意佢..可惜佢已經唔鍾意我啦!!! /.\
所以我唔想有人重蹈我既覆轍...希望你好好諗清楚...
不過我點都會尊重你既決定...話哂呢樣都係你兩個人既事...第三者唔應該講咁多既...
祝你作出適當既決定!!!