✔ 最佳答案
我以前細詔係佢fans,後來慢慢無咁中意,到而家真係幾矛盾,1方面係幫佢,另一方面係唔幫佢,後來,我覺得唔理係對自己最好,開頭覺得點解要憎呀嬌?佢都係人姐,都有需要,唔通因為佢係明星就要守身如玉?其實我唔係好明d人點解要話唔支持佢,究竟係話佢敗壞社會風氣?d相又唔係佢放出去!定係話佢唔檢點?點唔檢點,又唔知佢係咪似陳x希咁多對象!我個人係對佢份人失望,點都想像唔到佢私底下係d咁既人,雖然我唔知佢係d咁既人有咩問題,係個人接受唔到囉,佢係細個果陣既偶像,諗起自己細個時中意既偶像係咁,就好失望,佢以前比我既印象係:靚女,可愛,好純,但係而家真係唔知點定位佢好!我諗我係介意佢份人,好似座好靚既城堡咁,自己入唔到去,只能遠觀,一直以為入面有王子公主幸福咁生活,但有日有個人偷偷入左去,影左d相比人睇,先知入面冇自己想像既美好,我亦一樣終於知道咩叫娛樂圈,以前聽人講話娛樂圈係大染缸都唔相信,但係而家真係不得不信,好懷疑自己係電視入面見到既明星歌星有幾多係敗絮其中!我以為自己大個左無左以前既天真,個人複雜左但無諗到原來真正既複雜係咁..哈!突然覺得自己很天真!!
我有時好想知佢點睇佢d fans,係好開心有咁多人支持自己?定係會覺得有班傻人咁蠢信佢?個答案得佢自己知。有人支持佢,亦有人唔支持佢,好像最佳答案咁,可能個發問人覺得第1個人答得好d,但係我又覺得我答得好d,可以點呢!!?咪又係要接受..所以我唔會支持佢,亦唔會憎佢,反正我支唔支持佢對佢都無咩影響..!加上佢都受到應有既懲罰,d人點睇佢?會點話佢?可能係幕前就話佢好可憐,幕後講得佢有幾難聽得咁難聽,可能係佢背後,甚至係佢面前天!其實我唔多覺得呀嬌係受害者要支持我會覺得bobo慘d,都退出娛樂圈仲要被人翻舊帳...我係同情佢既處境..唔知點解真係憎唔起bobo,佢乜都無講我反而同情佢,好奇怪~
佢想我地覺得佢純情,明星嘛,一定要有個好形象!好似陳x希咁,個底咁花,而家花上加花,呀嬌之前個形象幾好,而家花d一樣咁多人支持佢? 做fans的,當然希望個偶像純情,既然佢想我地覺得佢純情,而我地又想佢純情,咁就自欺欺人下去...講大話,有邊個明星無講過?記得之前睇電視,柏芝話:我份人有咩唔講得,做得出我都唔怕講,edison?我地既緋聞係假,我無同佢拍過拖!----台灣某個綜藝(意思大約係咁),果時我仲覺得柏芝份人真係好夠膽,好直! 有個網友話：“你們這些人非常偽善，你們謮責女星淫荡，卻同時在等着下載最新照片。” 我真係覺得自己虛偽,究竟呢個世界仲有幾多人係真誠?
佢係5係真係想出黎講野? 呢個我覺得佢唔想,有得揀佢應該唔會想出黎講野,逃避,一日唔出黎講野就唔使承認或否認,個真相始終係個迷,就算真係真既都唔使承認.但係有樣野叫身不由己,如果唔出黎d人會點睇佢?公司會否繼續簽佢?有幾多損失?如果想繼續係娛樂圈生存,一定要企出黎!就算唔係想係娛樂圈生存,都要出黎見人。.
