面部磨沙,保濕面膜及毛孔修護面膜請教一下!!

其實好老土 又係個句...要養成好既生活習慣..
飲8杯水係定律
而且少食煎炸野..早睡早起係對皮膚好既

男仔黎講..主要都係油脂分泌旺盛
而且運動量大 流汗之後混合d面油
簡直係皮膚既敵人= =

出暗瘡係因為皮膚底層缺水
皮膚就會出油黎作出保護
而缺乏清潔 d油又塞住毛孔
久而久之就會喪出暗瘡..

你應該每日用洗面膏 早晚清潔面部兩次
磨砂膏係唔應該日日用既
如果日日用 你塊面就算牛皮咁厚 都會磨到紙咁薄
因為磨砂膏係去角質層 而新既角質層又冇咁快生得返出黎
所以面部皮膚就會好脆弱
磨砂膏應該一個禮拜用一兩次就OK
用完磨砂膏可以敷一個MASK

原則上保濕MASK可以日日敷
因為刺激性冇咁大
而美白呀 去印呀個d一個禮拜都係一兩次就夠
如果唔係一時間要皮膚承受咁多野
反而會有反效果架

如果你一定要揀neutrogena既產品
我用過佢隻洗面同MASK兩用既潔面膏
都幾好用 又可以做MASK又可以洗面

洗面應該先擠出少少洗面膏
然後加d水 搓出泡沫
之後先用泡沫去輕輕搓揉塊面
千奇唔好用d洗面膏係塊面度喪搓.....囧

洗完面後應該用爽膚水 (或者敷MASK)
倒少少係手度然後輕拍上面..
咁樣可以幫助之後既護膚品既吸收
試下一d暗瘡皮膚專用既產品..
例如萬秀雷敦 acne個條line都ok 又平

爽膚水後應該用d去暗瘡/去印精華素
雪完美有隻去印精華素 萬寧成日都減價

之後應該茶d保濕面霜/口者哩(或者敷完MASK之後)
keep住d水分 如果唔係就好容易流失架喇
不過面霜要小心d揀
唔好揀d咁油既..regene有隻冰川口者哩
我用過都幾好 涼涼地 幾舒服
萬寧都係有得賣= =..我今日睇過減緊價$138定$148

同埋平時打完波返到屋企一定要洗面
唔好懶..
男仔都要乾淨企理架

希望幫到你啦=)

其實不須要選擇什麼特別護理產品，
也可以擁有健康的皮膚。
你只需選用適合自己的基本護理用品，
和維持健康的生活習慣便成！
以下是本人的親身經驗，
只要你認真處理和護理，你可以一生受用，
因為我自己的暗瘡，只需搽米水便好番，
不需到美容院或什麼中心。
既經濟，又方便！

其實皮膚出油，是因為皮膚缺水，
皮膚有保護的機制，
所以會分泌油分來保護皮膚，減少皮膚散失水分。
潔面產品：中度去脂力、低刺激性
切記：不要選用含SLS或SLES清潔成分，
不用香皂或皂化配方的潔面乳。
不要用去脂力強的潔面品，
選用中度去脂的潔面品，比用強去脂力的較好，
因為強去脂力，便引致出更多油分，
這些潔面品的清潔成分因去脂力太強而傷害皮膚，
傷了也要日子久了才會發現！
寧願一天二次至三次洗面，
用中度脂力的潔面品，只需洗掉臉上的油脂便成。
至於成分，則你可在市面上有一些有關之書籍可參考。

暗瘡皮膚你先可照以下介紹的原理去護理及搽米水，看看有沒有效？
若果用後一星期仍未好轉，則最好還是看皮膚科醫生或中醫師。
在看醫生或中醫師期間，可照此護理方法，有助暗瘡快痊癒。

暗瘡皮膚：
要解決皮膚出油而產生的黑頭、粉刺、酒米及膿瘡等皮膚問題，
暗瘡處理，每天如下護理皮膚，直至暗瘡消退為止：
（以下會介紹如何自製米水）
早：潔面品、爽膚水、搽米水、乳液或日霜、防曬
晚：潔面品、爽膚水、敷水份面膜、爽膚水、搽米水、晚霜
請注意：
平時要注意飲食和清潔衛生等各方面。
皮膚好轉後，視乎皮膚情況如下處理：
早晚一樣，敷水份面膜改為一個月一至兩次或視乎皮膚狀況而定，
作護理之用（因皮膚是二十八天更新）。
每月一次去角質或敷深層面膜護理，
但記住去角質或敷深層面膜後一定要同時敷水份面膜來保養皮膚。
（去角質不等同敷深層面膜，但最好不要一齊用，同埋每月一至兩次都夠。
　或請先留意自己的膚質狀況，才決定作任何的臉部護理和次數。）
請注意：
不同品牌的護膚品都有不同的功能，
所以使用方法或使用時要注意的地方，必須請依照該品牌的指引為準。
要養成每天都護理皮膚，
因為不保養皮膚，要再改善它是要花很多金錢o架！
皮膚差了，有時就算你肯花錢也未必能變回原狀呀！

你須要適時地根據自己皮膚的現狀來選擇適合的潔膚和護膚品，
（例如：油性、中性、乾性、暗瘡性及皮膚厚薄程度來選購）
（因為皮膚在不同天氣和季節、個人情緒和賀爾蒙而改變的）
再加上自己注意一下生活小節，
便可以不用花大量金錢便可以擁有很好的皮膚！
（雖然都是要用錢，但起碼可以用少D！）

黑頭、粉刺、酒米或膿瘡都是暗瘡，
你可以選購水份或保濕護膚品，
同時暫時不要搽太多不同功能或營養成份重的的護膚品，
也暫時儘可能不要化妝，以免皮膚因受刺激而令暗瘡惡化，
並需要每天簡單潔面、搽化妝水和水份或保濕的乳液（夏天）或面霜（冬天），
可以敷水份或保濕成份的面膜來作特別護理
（因為皮膚缺水，便會出油來保護皮膚，
　因此敷適量的水份面膜可協助減少油份），
但購買時要問清楚店員此類產品的適合用法及使用時須要注意的地方，
直至皮膚好轉為止。

處理黑頭的有效經驗：
只要經過耐心的如上每天適當地潔膚和護膚，
要借助海棉潔面，要輕輕地洗，有助黑頭排出。
敷水份或保濕面膜（要用洗那種，效果會好D），
過一段日子黑頭便會慢慢減少（污垢會經新陳代謝慢慢洗去），
要一點時間會見到果效！（不可心急！）
雖然此方法是較慢見效，
但好處是會少D因用了不適合的產品而產生了更多的皮膚問題。
記住原理是：令皮膚有足夠水份。
如果你唔相信，你可直接用水搽有黑頭的地方，
你會發現黑頭不見了！
但過一陣（即皮膚乾了），黑頭又會再出現。
不要敷什麼黑頭貼或什麼零毛孔的產品，
它們都只是暫時性，並且都有可能傷害皮膚。
故此只需選購一些沒有傷害皮膚的保濕性護膚成分的面霜和面膜。

隻手污穢不會掂塊面，
千奇唔好成日摸住佢，會越整越多o架！
唔好噴噴髮膠，要噴最好用手遮住塊面才可以噴，
因為這樣會讓塊面生很多暗瘡。
頭髮最好唔好成日遮住塊面，這樣又會生暗瘡的。
因為我以前試過係咁。
潔面時原來唔好用手清潔，
而是用海棉來洗面會乾淨D、少D黑頭和少D暗瘡。
但不可以大力洗，而是溫柔地輕D洗，
這才能將D污垢洗走o架！
但不代表要一日洗幾次面，
而是只需適當地每天潔面早晚兩次便足夠！用溫水洗！
儘可能不要讓潔面品停留在皮膚上太久。
（因為用熱水和蒸面會令皮脂膜破壞，減低表皮保水能力，
　並且更會令微血管擴張和皮脂腺受刺激，繼而增加油脂分泌）
生暗瘡期間，要注意不要同時做太多不同的去角質產品，
如：磨砂、敷深層清潔面膜、含果酸化妝水或含水楊酸產品……等等
這樣做會令皮膚變薄，失去保水及抗禦外在環境傷害的能力，
因此會令皮膚出現乾燥、面紅和脫皮等問題。

久不久睇中醫，因為可以調理你身體的體質，
體質好o左，皮膚自然會好的。
老生常談：
多飲水（最少八至十杯，可以是清水、茶、鮮果汁或湯水），
少吃煎炸食物或含有味精的食物（包括即食麵），
吃得清淡些及新鮮的食物。
最好吃多D唔同顏色的蔬果，或含有維他命 C或 E的食物，
可在晚飯前一小時或後兩小時吃生果（或喝湯水），
皮膚都會靚D！
間中亦可吃很少量的脂肪性食物，如：花生或果仁……等等
（咖啡及可可，都是含油份食物），
因為身體是需要這些食物中的養份，
但切記不可常吃或多吃，會引起代謝問題！
因脂肪性食物（果仁、油脂類、肥肉……等）是用來製造賀爾蒙，
潤滑關節及保護皮膚，所以只需要少量及適量便可。
記住要早睡早起，不要挨夜，
因為晚上十一時至二時是皮膚修補的最佳時間。
市面的暗瘡產品大部份開初用是有效，但用耐了便失去效力！
我試過用痘立消都唔得，重令皮膚差了！
有暗瘡也未必一定要用暗瘡膏，
你可以自製米水來治暗瘡，方法如下：
（這是一個很安全又經濟的方法）
拿一個細樽，內放上一D米和加少許水，
（注意：未煮過o既白米、紅米及糙米，份量：少少就夠，
　　　　水是超過大半樽少少，米是少過樽的一半）
但其實只用白米，也一樣有效，因為爛嘴角也是用熱米水搽好番的。
最好熱水，（或未煮好飯的熱米水代替亦可以）
（像沖茶般，沖一沖）不要第一和二次的水，只要第三次的米水
記住用前搖混佢和攤凍少許才用！
（即不要太熱，暖暖o地或凍都可以。）
每次潔面及搽化妝水後，
拿綿花棒（如果範圍大可以改用化妝棉）浸在米水裡，
並且用線花棒搞一搞 D米（這樣做效果會好 D），
將浸了米水的綿花棒搽在暗瘡上，然後照平日護膚程序處理便可。
若你有留意的話，過一至兩天便會見到果效，同埋暗瘡較快消減。
連高起個D都會降番，有疤都好得快D。
請注意：
1. 如果你D暗瘡有膿，都可以搽，它會慢慢好的。
2. 如果你D暗瘡是「酒米」，
　 你可以先潔面，然後用熱毛巾或浸了熱水的化妝棉放大毛孔，
　（不過範圍只集中暗瘡的位置，不要殃及其他面部）
　 拿用點了米水的棉花棒輕輕搽佢，「酒米」會慢慢走出來，
　 然後用冷水敷面一兩分鐘（要日子久了才見效的！），讓毛孔收細，
　（聽說：用冷水是最經濟和有效的收毛孔方法）
　 收毛孔後，搽完化妝水後便再搽米，然後便繼續護膚程序。
但記住除水份或保濕成份的護膚產品可以用外，
暫時不要搽太營養豐富或太潤的面霜或敷類似面膜。
如果唔後，又會起番！
記住搽米水時不要讓米水暴露在室溫太久，
一用完便要立即放入雪櫃，可用約一星期。
若還未好番，可再做一樽，重複處理！
若果你想可以用耐些，
你可在米水加入一兩滴具殺菌消毒的天然精華素。

此方法是由老人家常說：「口角生瘡最好搽熱米水就會好！」
所演變出來的，是本人試出來的方法！很有效！

至於暗瘡印，
皮膚科醫生話除了彩光或煥膚外，
還可以搽維他命A酸（一般皮膚），
（若是敏感或脂漏性皮膚則用凱因庭 Kinetin 較佳），
但以上所列的方法全部都要經皮膚科醫生診斷和處方才會較安全！
你可找普通醫生介紹皮膚科醫生給你。
最好還是靠自己的新陳代謝慢慢好！
其好處是會少D因用了不適合的產品而產生了更多的皮膚問題。
你只能盡量預防暗瘡好了！

你要學多D護膚知識，
你便可以交少D學費，
當你了解皮膚、體質和生活小節，
你便有能力去選擇適合自己的潔膚和護膚品，
而不會盲目地用了太多營養成份重的護膚品，
搞到塊面不受控制。
因為皮膚科醫生都勸我們其實不須用太多的護膚品，
最重要是：要做足防曬功夫，皮膚要有足夠水份。
要用得適當，你的皮膚便已經可以好好。
希望以上經驗可以幫到你啦！

你可以用aloe gel + deep clean mask + 水份mask
aloe gel對消暗瘡有一定的功效,
deep clean mask將你皮膚底層d唔乾淨的野吸出0黎
最後就係用水份mask,收毛孔&保濕
皮膚底層既水份要求滿足到
咁就自然唔會成日咁暗瘡

至於磨沙我就唔會建議你用住,除非你d暗瘡已經好返,得返d印
我就會建議你用含果酸的radiant c的活膚乳霜幫助去印
果酸對去印有一定效果

我的msn是:[email protected]
你有咩問題,你可以add我

你找我吧
我有好好的心得
可以幫到你
msn: [email protected]