自從(1個幾月)俾我發現左佢有次好迷惑咁望住我，佢就成日偷望我，搵機會接近我，行埋黎好鐘意凝視我(入左我心裡最深處果種FEEL)，打扮突然靚左，講野時建議我買D冇可能買到既快餐，做好多野暗示佢好留意我
但我一直俾左佢一種好冷淡冇興趣既感覺，佢好失望但冇放棄我....
後來我要走唔可以再見到佢，寫封信暗示佢聽其實我愛上左佢好關心佢(但避開唔講愛佢呢個字)，送左份極有愛情含意既名店水晶禮物，信度話好想佢願意成為朋友(我冇講想做女朋友)同SD返電話/MSN俾我
我之前成1個多月都對佢冇反應咁先突然對佢表示，但佢都好冷靜好友善咁....
我想問....
(1) 如果妳係果個女仔妳會點諗?
(2) 咩情況下會令到個女仔唔再鐘意我唔再彩我?
(3) 個女仔會唔會接受SD返妳聯絡方法俾我?最耐要等幾耐?
(4) 過左2個半禮拜今日情人節佢都仲冇彩返我，係咪代表冇希望??連普通朋友都冇得做??
唔該唔該，萬分謝意....
更新1:
chokiulam & ht_128: 其實我好愛佢好唔想冇左佢，佢係好好既女仔，但我對感情好認真所以諗咁耐，同埋我都係一個好怕羞既男仔 我咁耐都冇表白其一原因係我0係外國住，唔係成日返到香港，需然都唔係冇彎轉，但我唔想佢失望唔想對佢不負責任，我唔知佢估唔估到我唔0係香港住，不過我有好多表現係香港男仔唔會識得做，佢一定留意到 我寫既情信同禮物已經表明我係好深愛佢同好在乎佢，佢收到時都好似好有興趣我俾左咩佢咁，但我係上機前2個半鐘先0係cwb好沖忙咁俾到佢，佢一定明我心意，只係我好驚好驚佢接受唔到，同我覺得就算做唔到情人都應該可以做朋友，點解電話/msn都仲唔俾返我
更新2:
nyslang: 我都有諗過直情話我好鐘意佢或我愛佢嫁，不過我驚佢會覺得太突然接受唔到，所以就0係信度講得好在乎佢好緊張掛住佢，見唔到佢好唔開心，好唔想要離開香港見唔到佢等等....同我份禮物唔係得個貴字嫁，而係好有代表性可以表示出我成個心都俾哂佢咁....我覺得佢會明我想暗示愛上左佢.... 至於做朋友....其實我係想暗示我好想同佢一齊到，但又驚佢接受唔到所以留返條後路就算唔得都希望可以做朋友，我都諗過佢可能覺得我想距絕佢，但我既愛意佢一定感受到嫁.... 不過真係好多謝妳既指點同題示
更新3:
好多謝妳地咁細心回答我既問題