點解男仔咁怕見家長?

唔好介意我幫o番男仔，我自己都好怕見家長。我唔知你男朋友係乜o野料，但係我第一次見現任女友個屋企人o個陣真係好緊張。因為我自問唔係乜o野有錢仔，我份糧只係夠養自己一個，幾時先儲夠錢結婚我都唔知，所以好怕佢屋企人問我收入、結婚o既問題；仲有，我屋企人從來都無教過我乜o野禮儀，所以我唔知去人o地屋有乜要留意，當然我都仲會識叫聲伯父伯母，但係仲有乜要留意（例如有乜一定要講、有乜一定唔可以講）我真係唔知，更甚o既係佢o地係外省人，更加會有些少文化差異，所以我好怕去到俾未來外父外母o係我背後話我無禮貌、唔識規矩。
清官難審家庭事，我唔知你男朋友係乜o野原因，但係一定有佢難處，我建議你好好o地同佢傾o下（記住一開始態度好oD）。如果佢態度好差，你先至問佢：「拍拖噤耐，你有無諗過我o地將來要結婚？」如果佢答有，你就話：「咁你係咪諗住結o左婚先見我屋企人？」睇佢有乜想講
點都好，我覺得逃避唔係辦法（除非唔諗住結婚），好似我咁，我雖然好怕見家長，但係我最後都膽粗粗咁走去見。所以我覺得你男朋友唔應該逃避，一係就跟你去見家長，一係就話你知佢有乜難處。

2008-02-14 15:52:30 補充：
上面有人話先斬後奏，你真係要諗清楚呀！我唔敢話唔好，因為知會有乜後果，後果可能無事，但亦都可能會引起佢反感。同埋通常男仔見家長前都會有些少準備，你宜家要佢o係豪無準備o既情況下見你屋企人，我怕佢會好尷尬。

其實我個人認為佢怕俾人催婚,佢可能認為男人以事業為重,見屋企人意味住要快d結婚,或者佢驚你屋企人唔鍾意佢等等or佢認為拍拖係2個人ge事唔想有人干預......

我認為最重要ge係你愛唔愛佢,唔好以為"都等左三年,不如繼續等la",建議你正接同佢講,一直搵出問題所在,如果佢不了了之,咁你不如算la~長痛不如短痛!maybe諗下:感情唔係相等式,無=,同埋佢咁做maybe有佢ge原因!
hope can help you~support you
希望你幸福

可能佢唔想你的既屋企人問長問短怕你既屋企人又問佢係唔係真心，何時結婚．．．．．．．／你可以問佢為甚麼不肯面對你既屋企人？

2008-02-14 15:46:39 補充：
d男仔一向都係怕麻煩

d男仔一向都係怕麻煩,,,
男仔心態可能係驚去見到你家人後,,
又唔知你家人點諗佢,,
佢驚你家人會睇低佢,,
覺得佢無咩作為,,
so你可以搵d機會帶佢見你家人,,
唔好咁直接話去見咪得囉"
例如,,你同佢去食晚飯果陣,,
唔好話佢聽你家人都去,,
實行先斬後奏咪得囉`

咁你試下要佢明白你感受, 你咪唔再去見佢喲家人, 睇下你男朋友覺得有冇咁既必要....

佢根本就唔想認同你同佢的關係, 揾過第二個啦!!!!!