請教一些私人買電單車程序

(1) 揀車, 打電話約車主睇車.
(2) 帶頭盔, 搵個有經驗有正式牌既friend 一起去睇車, 見到車主,先要求睇牌薄証明無花無假. 由於燕梳/抄車風險問題, 車主未必比你試車, 可能車你行幾圈, 或者比你個friend 抯架行幾圈. 如果3rd保/行車証過期, 出唔到街, 可能tar著副引擎, 比你聽下聲.
(3) 試架車性能ok, 決定買. 同佢傾下價錢, 講清楚包什麼配件
(4)價錢ok, 寫張買賣合約, 寫明買家/車主姓名/ID NO./車型/配件/價錢/轉名日期, 轉名前告票抄牌由車主負責.
(5) 一般唔使落訂, 如果你非常志在必得, 可以落訂, 要收據, 車主就唔可以賣給第2個.
(6) 同車主要牌薄COPY搞3rd 保燕梳. 約幾時一起去轉名.
(7)轉名日最好叫多個friend一起去, 叫車主泊架車去運輸處附近車位. 帶頭盔,燕梳3保, 錢去泊車位, check清楚性能(起碼要tar得著), 配件, 外觀, 車架/引擎編號. 叫個friend 睇住架車,然後同車主一起去運輸處轉名. 未轉到名之前都唔好磅水.
(8) 轉名費通常買家比, 搞好晒手續後, 攞到新牌薄, 應該要比錢舊車主, 攞返全部車匙. 通常現金交易, 如果金額大可以傾銀行轉帳, 接受與否係買賣雙方問題.
(9) 攞車再去油站入油...

購買易手電單車其實與購買汽車一樣，"如看中了車，須先取得該車之牌簿影印本，以該影印本購買保險，取得暫時保險再安排新舊車主去轉名交收。所以我們通常會在早上看車，中午購買保險，下午約去轉名。而部車就在看完車後，將車停於停車埸，直至轉名後才駕車回家，停車場費自然由買方負責，這樣可確保該車之零件不會被更換。另外兩方在看車時都滿意，就應該即時訂下購買合約及訂金，以保障雙方之利益，如發生任何毀約事件，都可追討。"但其中一些細節可因應環境改變。
其實個人覺得新牌最好去一些易手車行購買，他們雖然收費會貴D，但通常會有3個月機件上之保障，而且會代你包辦轉名手續。