箍牙有沒有服務好及價錢合理的？

我建議你到醫院道的菲臘牙科醫院,呢間係1間學校+醫院 入面會有好多學做牙醫既學生 不過你放心 全部都係有返一定既水準先會出黎幫你睇牙 本人和我朋友都有增生齒既問題 不過佢就要箍牙 聽佢講 價錢都唔係好貴 算合理 而家我地兩個都醫好哂 彭牙都唔知幾令,總之你去到求醫實幫你搞靚佢

好啦 希望幫到你 同祝你有美麗的牙齒

首先, 關於你既牙週病問題,
因為牙齒已經鬆左,
所以無法補救或整返實,
只可以脫左佢整假牙,
又或者如果鬆既程度唔太利害既話就減慢佢鬆既速度。

箍牙係唔可以改善牙週病既,
因為牙週病既主因係牙齒唔乾淨,
細菌積聚, 侵蝕牙骨而令牙齒鬆脫。
再者, 箍牙只會惡化牙週病,
令你全口既牙齒都係咁樣鬆落去,
最後只會落得一隻一隻牙咁脫落。

如果你真係想整好你既牙齒,
先要條件係搵牙醫幫你做一個檢查,
影一張X-ray, 睇哂全口牙齒既情況,
如果唔留得既就脫左佢先,
以免傳染比其他情況未係太差既牙,
至於可以留耐D既牙就盡量留住,
因為始終真係比假牙有力,
食野既功能都比較好。

醫牙週病既收費同需時真係答你唔到,
因為病情既嚴重情況都會影響收費同時間既長短。

箍牙只係為改善牙齒既美觀度,
但醫牙週病卻係為自己既健康著想,
所以我都建議你先醫好你既牙週病會好D。

打爆哂佢咪無事囉 之後再整假牙 咁樣平d 講真