如果患咗抑鬱症可以點好，邊度會有醫生睇？我唔知點算！

我唔知您因咩事因咩原因話您自己有抑鬱症，但我可以話比您聽，要診斷出一個人患上抑鬱症或者任何一種精神病病症，係必須要經過精神科醫生詳細評估出來的。
假如您依家真係感覺好唔舒服，我建議您可以先到您相熟嘅家庭醫生尋求協助。您嘅家庭醫生會因應您嘅情況，幫您寫轉介信，轉介到公立醫院嘅精神科門診部排期見精神科專科醫生。如果您嘅經濟情況許可嘅話，您亦可以自行到任何一位私人執業嘅精神科醫生尋求協助，佢地亦都會幫到您。
但假如您已經開始有自殘嘅傾向，我建議您應儘快到公立醫院急症室尋求協助，急症室醫生會因應您嘅情況和需要，安排您會見精神科專科醫生，作出跟進和治療。

2008-02-15 01:20:01 補充：
記住：病向淺中醫，請儘快向您相熟嘅家庭醫生求助吧！

2008-02-15 16:04:16 補充：
儘快對症下藥，問題就會更易解決。時間拖得越耐，只會使病情更嚴重，請儘快求醫吧！

2008-02-16 00:45:06 補充：
您可以試吓用以下網址 search 一位合適嘅精神科醫生接受治療
http://www.hkdoctors.org/chinese/index.asp

假如您認為私人執業嘅精神科醫生診金收費貴嘅，您亦可以揾香港任何一位註冊西醫，經評估之後，認為您有需要接受精神科專科治療嘅，佢地係可以幫您寫轉介信，轉介您到公立醫院精神科門診接受治療的。

要做運動,近大自然