水草打燈幾時關

水草都有休息時間架，你有冇見過街邊ｄ影樹o既葉夜晚會摺埋？寶塔之類o既水草夜晚ｄ葉都會收埋一束咁。佢地有自己o既生理時鐘，廿四小時照住都冇用。其次，廿四小時照住亦會益左ｄ藻類，爆藻機會大增。
所以其實你大可按日照時間為準，每日有十小時燈照其實足夠啦。set 時間掣等燈同 co2 同步開關啦，亦可以係開燈後半個鐘至關燈前半個鐘先開 co2，因為草都要時間 warm up，而臨尾水中已有大量 co2，無須再加，咁就可以慳ｄ氣，但就要多個時間掣。
草其實無時無刻都用緊氧氣，因為細胞有呼吸作用，只係光合作用旺盛時氧氣有多先至俾到其他生物。如果你個缸夠多草，光合作用夠旺盛，單靠十個鐘生產o既氧氣都足以令缸水成晚都夠氧氣俾魚仔。俾你參考下：我個缸三十吋，草o既覆蓋率都有六七成，超過八十條燈科魚都唔駛用氣泵。

你應該夜晚先開,