關於車的問題

您朋友放架車比您要使幾多錢先搞得掂基本上要睇上手車主如何保養架車喎，沒一個要最小使幾多錢。
1) 我先假設您地係好朋友又唔係搵著數先
2) 車價您地大家都又當傾好左
3) 當您架車係1500cc同2002年之後出廠(因為如果2001年或之前出廠續牌費又要先驗車合格先可以再買牌費，當然驗車又要錢同睇下有沒野要整，所以又係沒一個實數講倒您知要幾錢)

係買左架車回來之後正常都要搵自己相熟車房檢驗下架車有咩小毛病要跟下，維修下，最好問下上手車主架車傳動油，波箱油，機油，其他一般油同cam帶，皮帶等等有沒有更換過，如果沒就叫車房check下要唔要換，一般沒咩大問題要更換只係換下偈油風隔電油隔大約一千樓下啦。
另外又睇下仲有沒牌費，1500cc或之下買牌費一年要$3,929.00，一季要$1,404.00，睇您自己點諗啦。
運輸署架車轉自己名就一千元，保險又係睇您個人夠唔夠秤(年齡過左25，牌齡三年或已上)，一般第三者保險要睇咩車同車價仲要睇有沒NCB，一般千幾到三千左右，當您夠秤同架車唔使加大LOADING。
所以真係要知道係乜車，車齡，車價，有沒牌費，您個人年齡，牌齡呀其他等等。就咁講好難有個大約數講到要幾錢。
如果又當一般野都OK又唔使上架驗，唔使換油又有牌費，又夠秤，一開始唔計車價大約3 到5千啦(運輸署轉自己名1千，第三者保險2000 到 3500蚊左右啦)

2008-02-15 23:45:24 補充：
雖然年齡過左25歲，不過剛剛考了牌，所以係買保險時會加loading，不過你想買架係99年corolla，應該唔會加好多，你可以搵做保險朋友或買汽車雜誌睇，入面大把賣廣告保險公司，搵二三間打下價，我諗如果三保應該3,4千上下。99年款corolla係早幾期中最家庭feel同最平穩果隻，出面亦都係最小人改果隻款，個人認為岩路面經驗小同操車用，係路面比人攪機會相對較細，車價自己上網睇值幾錢。至於買架車回來要使幾錢，如果架車仲有牌費同沒乜野要維修，連轉名加三保5千左右啦，之後換油同其他就養得車就要使。希望提供之個人意見幫忙了你!!