想問初生bb唔買 bb床訓普通成人床有無問題?

BB唔買BB床係冇問題,問題係在於個大人唔可以咁爛訓,要小心自己壓住個BB先至係問題.仲有BB最好自己訓一個位,大人離開個BB遠少少,唔好俾佢用枕頭訓,用條毛巾仔俾佢墊住訓就OK架喇!同埋唔好俾咁大張被個BB冚,驚會焗到佢,最好俾張細細地既毯仔佢冚就最好喇!我個BB細個時就係咁訓喇!BB床佢都冇訓過咁滯.

初生bb應該唔識爬來爬去住, 但你要用d軟墊圍住床的四周(床上用品店有得賣), 到bb識得轉身及爬行可在床口的地上放一張薄床褥, 讓他白天睡午覺及玩耍讓你可安心做家務, 晚上才抱他上床睡, 而地上的薄床褥不用移走因可防止bb半夜跌落地弄傷.
我個仔都係瞓大人床, 一直到而家都無事, 如果買bb床好快又要換一張, 分分鐘鐘換2,3張個bb都未大吖!

其實都無問題嘅,
好多人都會買bb床嘅原因係因為怕bb會碌來碌去,
可能會跌落來,
咁如果bb未會爬嘅話都無問題嘅,
但都要用d被擋住,
咁就無問題啦~

但如果放bb係床,做家務都不要太專心,都要得閑去睇下,以免bb被盍過頭~

我依家個細佬兩個半月大，但一直都係訓普通成人床，無碌黎碌去
預計訓到半歲左右，若果佢識到郁動身體，就將佢訓茖梳化，再買d 高身板攔住。