同佢既合襯度

其實我覺得你同佢既關係已經係好親密，佢好倚賴同信任你，從佢肯成日同你sms同交換秘密就可以肯定啦。我覺得個女仔係對你有好感既，只係你話佢好怕羞，加埋佢係女仔呢，所以就算佢鐘意你，佢都只會俾你暗示，而唔會直接講。所以你做男仔既，一定要踏出第一步。我肯定你肯示愛既話，佢一定會接受!!!

聽日十四號情人節你當然要同佢示愛啦，係個好機會! 你地個日使唔使返學呀? 要既話，我建議你今晚先sms約定佢聽日放學一齊走。如果唔使返學，你更加應該sms/call佢約佢聽日去街(去海旁實掂)。

plan如下:

情人節禮物一定唔少得，如果你有時間，我建議你自製心型朱古力，加幾朵自己摺既花 (幾多朵可以參考朵數所代表的花語，例如 9朵代表長長久久，1代表你是我的唯一，等等)。紙花一定要摺玫瑰花，用紅或粉紅色的紙，或者你可以摺金莎花 (夠浪漫)。朱古力如果你無時間整，可以買，但千祈唔好慳，淨係去supermarket買，建議你去godiva或royce買，佢地有for情人節既心型朱古力買。約$100-150到。因為女仔都希望你重視佢，買貴o的都要o家啦。如果你唔識摺紙花，你可以買一支玫瑰花(如果要返學)，可以買多枝如果唔使返學。買一支係因為你最好唔好係咁多同學面前送俾佢，你話佢好怕羞呀嘛，佢一定會尷尬，咁就算想認承你都唔知點開口o家啦。一支玫瑰花可以收埋係書包先，放學一齊走既時候先俾佢。

咁你當然要度定自己既真情剖白，唔好浮誇，講真心話就得啦。引述返你地一齊經歷過既難忘既事就更好啦。

你做咁多野，佢一定會接受你!!
祝你十四號示愛成功!

你地既關係又好似D情侶甘;
不過又未到戈個地步;
超過左一般朋友既關係;
可以話系知己;
而十四號系一個示愛既好日子;
你地戈日可以約一大班朋友0r 單獨出泥玩;
但系吾好嚇親個女仔;
要到就走戈陣同佢講你中意佢;
甘佢都可以話sMs 答你 /mSn 答你 / 電話答你 麻.
其實你地關係己經系好親密;
想再進一步就要自己肯踏出第一步;