你可以點做呢...
我自己唔食煙叫雞按摩落D賭錢返大陸,最多有時陪朋友飲下酒(少飲)
亂發大小姐脾氣(最近已改左好多)
思想"非常"幼稚(年齡22智商16)
家務乜都唔識(連公仔麵都唔識煮有冇搞錯丫)
勁爛玩(個腦無時無刻都掛住落D,去邊玩去邊玩)
貪吃(身體唔舒服都唔肯戒口,串燒零食通通入口)
食煙(次次都講話戒煙,講到最後都係講字)
時間觀念超級差(每次最少遲到幾十分鐘)
好貪靚(化妝換衫1-2個鐘頭先可以出門)
訓教＝長眠(訓著左火燭都唔會醒)
工作....(因以上種種原因而長期失業)
最難搞係佢訓教既問題,唔係佢身邊既話根本冇可能叫得醒佢
我已經盡力去幫佢改壞習慣,但係佢仍然係咁樣...
究竟係咪我唔夠愛佢呢..定係我前世欠佢太多?
有時真係覺得自己好犯賤,點解咁多好女仔唔要,偏偏鍾意一個咁既女仔
仲有咩法可以幫佢改到D壞習慣呢....
有冇人可以教教我
尋晚我同朋友飲酒到今朝7點鐘訓,約左佢11點睇戲(佢尋晚12點訓), 我9點幾已經起身開始打電話叫佢起身,幾十個電話之後佢終於接聽, 伊伊哦哦嗯嗯幾聲之後佢話要訓多10分鐘就收我線,之後電話就會長期cut線或關電話...
其實身邊一直有一位鍾意我既女仔(絕對係住家賢妻良母好女仔) 每到節日必有短訊,每逢天氣變冷打風落雨都會sms叫我返工帶遮多帶外套工作小心, 轉電話必定第一時間sms通知我(附帶一句如果想搵佢隨時打俾佢)(但我冇打過俾佢) 我自問唔靚仔,外型唔算討好,有個咁既好女仔一直係背後默默支持, 可惜,我對佢只有友情,完全冇愛既感覺...愈對我好我心愈難受..
回覆頭2位朋友: 我唔係唔接受佢既缺點,我只係想搵方法幫佢改一改D壞習慣 鍾意一個人我絕對會接受佢既一切,不論佢係肓定係坐輪椅 缺憾係冇得改變,但係壞習慣係一D人為可以改變既事 可以改得更好點解唔改呢? 我唔係要佢完全改好,但起碼都要比以前好丫嘛,人係要各前走架, 唔通你地會覺得自己鍾意既另一半一直保留住d壞習慣係好事?? 我接受既同時,對方係咪應該都要付出少少努力試下改呢?? 回覆第3位朋友: 我係一個對感情付責任既人,寧可其他人負我,我都唔想有負於人 佢一直默默為我付出已經令我好過意唔去,我絕對唔想再進一步傷害佢
回覆玉樹黃蜂: 其實我都知佢有改,特別係脾氣同食煙 思想方面,我知道唔可能要人一時間變成熟(突然諗起"我老婆未夠秤"阿SA扮猩猩..) 工作方面我真係幫佢唔到... 佢乜都唔識做得咩呢?想做既唔請,請佢既佢又唔做... 最重要係佢既睡眠+遲到問題,返工一樣係唔起身架...可以點做呢 唔係我唔忍佢遲到同失約,得我一個就好易話為 但有時一班人因佢一個遲到我會好過意唔去囉 約11點,就算唔訓我都8點9點叫佢起身,但都要佢肯起身先得架嘛... 朋友都覺得佢好大牌,但睇得出因為我既關係佢地都唔出聲... 你有冇方法可以教我點樣叫醒佢-.-
回覆Tiffany Mak: 其實我都係嬲佢岩岩又失約先咁樣...而家諗諗下過左淡氣又掛住佢囉="= 另一個女仔我好耐好耐冇搵架啦,就係希望佢可以諗清楚, 又怕傷害到佢...唉 你有冇咩野好方法可以令人比較容易起床或者醒訓d架? 回覆你既時候佢終於起左身打返電話俾我,一聽到佢把聲又嬲佢唔落... 諗真D我真係幾犯賤 T_T
