急急急~~~~~,我有了bb 8週好想知點樣快速戒煙,有誰可以幫到我呢?

我自己懷孕既時候,都一心諗住會想嘔作悶自然就會唔想食煙,但點知過下一個月過下一個月,我一d想嘔作悶既感覺都無,變相我食煙無減少過,但好彩我bb出世都好正常,自己之前一直都好擔心,我老公,奶奶同身邊既朋友都話過我好多次,不過自己又戒唔到,以家先安落d!
所以好想話你知,無咩特別方法可以去戒,不過你可以一心諗住為個bb著想,咩都諗bb為先就可以控制一下心理,唔好好似我咁,bb出左世後個個都係果句:"你好彩ja"!以家我諗諗下如果以家我bb有咩問題我真係嬲我自己一世呀!!

其實無咩方法可以話一定戒到．
只要你諗到食煙會危害到個ｂｂ就自然唔會食．
當我發現自己懷孕後就立即無再食煙．
雖然無話食煙一定會令ｂｂ有問題，但係ｔｏｕｃｈ　ｗｏｏｄ講句，
將來ｂｂ出世有咩事，最辛苦ｏ個個咪就係你自己，
你都唔想被人埋怨ｏｒ自己責怪自己啦～

可以試下"戒煙貼",係maning有得賣~

你都話最初知道都食少左啦,而最近又食返只不過係你嘅"心引",藉口~
吸煙會影響胎兒的體質,在懷孕期間吸煙，有機會誕下體重不足的嬰兒~


英國及荷蘭的學者對外公報，孩子的負面社會行為及患上過度活躍症是與母親在懷孕期間吸煙有密切關係，小孩經常打架、破壞物件、偷東西、時常說謊、難以集中及易焦急等便是有反社會行為或患上過度活躍症。

荷蘭的學者更詳細且具體地表示懷孕女煙民誕下欠集中力的過度活躍症小孩，是較普通孕婦高出三倍。有關博士分析，孕婦吸煙直接減少胎兒吸收氧氣的分量，而且煙草中的尼古丁有機影響胎兒的腦部發展，同時會損害孩子的行為正常的發展。

你唸下,一時嘅忍唔住,你bb就一世喎,食之前唸下後果啦~