有關月供基金...

我想一個月供一份大約$300-$500既基金?想問下有冇架?
$300 一定做唔到，$500 有機會，但唔係隻隻基金都得。我係ICBC問過，有些月供基金可以由$500起，但個幾隻基金是否適合你，你要自己衡量下。
可以係邊到供架?hsbc有冇架?好似可信d...
可以做月供基金的地方有兩處
1 保險公司（只可以做有保險成份的基金），這類基金有合約，鎖死年期，收費高。要知詳細情況，再出問題，好多網友都答到你。
2 銀行。有得買有保險成份的月供基金，亦有得買月供純基金。買時要講得好清楚要買純基金。
建議︰買純基金。順便介紹下基金的種類。
基金係由基金公司 (fund house)營運，基金公司會自己做買賣，亦會給銀行做買賣。
基金的投資主要分投資市場，即地區（金磚四國，新興市場，歐洲，亞太，或個別國家︰中國、越南、俄羅斯等），同投資工具，即股票、債券、外匯、現金等。
每一類型的基金（例如︰金磚四國的股票基金），都有幾間基金公司做緊（最多香港人識的是滙豐，JF，富蘭克林），佢地都定期有滙報，雖然係同類的基金，但每間基金公司的表現都唔同，收費亦唔一樣，個滙報寫得好清楚。你可以去銀行叫佢地幫你print 出嚟比你揀，唔須要即時決定，攞番屋企慢慢比較，睇多d，知多d，問多d，知多d，Icbc的服務比較好。但恒
投資基金的風險可以非常高，要先了解自己承擔風險的能力，因為基金都可以勁蝕。
生某些客戶買某些匯豐基金有認購優惠，買時不防多問幾間銀行。
如果你係小客戶，其實無論你去邊間銀行買基金的收費都一樣，最緊要搵間會答你野，有好服務的銀行，因為基金雖然話係中長線投資，但係有時都需要轉下，加大或減少個銀碼，轉買其他基金，暫時停供，贖回等都要落銀行做，既然認購費都係比咁多，梗係搵間服務好的。


2008-02-13 17:22:40 補充：
copy 亂左。sorry. 但恒生某些客戶買某些匯豐基金有認購優惠，買時不防多問幾間銀行。如果你係小客戶，其實無論你去邊間銀行買基金的收費都一樣，最緊要搵間會答你野，有好服務的銀行，因為基金雖然話係中長線投資，但係有時都需要轉下，加大或減少個銀碼，轉買其他基金，暫時停供，贖回等都要落銀行做，既然認購費都係比咁多，梗係搵間服務好的。投資基金的風險可以非常高，要先了解自己承擔風險的能力，因為基金都可以勁蝕。

其實各大銀行都有基金服務，而且多數都大同小異。

而我自己之前都有去過hsbc問有關基金問題，佢地會問你份基金最終用途用嚟做咩，你想供幾耐等問題。 如果係供under$500都有但比較少而且供款時間會比較長，多數係教育基金。但如果係想短期供 (我講梗至少年半)，銀行會建議一d將近$1000。

其實你可以去一d理財公司問吓佢地d意見，有時會好過銀行d基金。仲有保險公司都有基金服務。

似乎少咗D...
我之前問過, 至少到要$800...
hsbc咪可以供番hsbc囉!