點先可以入到banking 既 risk management department?

Banking 的 risk management department 最主要係負責貸款的風險, 雖然我唔係做E行, 但係我兄長係, 我知幾多講幾多, 睇吓可唔可以幫到你啦!

我兄長一入行果陣(即十五年前), 係由銀行的業務拓展主任(即批核貸款主任)開始做起, 佢响大學主修財務, 據佢所講, 做批核貸款的主任同做Risk Management冇分別, 每一單做生意的貸款伸請, 佢地都要好專業咁寫Report去評估E筆貸款有幾大風險, 即係借咗出去之後, 收唔收得返, 所以個Report好大部份都係評估借款人的公司將來的賺錢能力及營運風險與及他用來抵押的物業將會賣到幾多錢, 因為如果借款人的生意失敗, 所抵押的物業又賣得雞砰咁多錢, 你唔使旨意連本帶利收返D貸款.

五年之後, 兄長升Manager, 銀行正式叫佢負責Risk Management, 佢話都係做返果D嘢, 不過係响佢手上批核的金額大D, 同管理班主任, N年後升做副總裁, 就負責制定Risk Management的政策, 有時候為了求證借款人的生意是否OK, 要去到借款人的工廠參觀, 有時都幾遠架, 試過去到蒙古咁遠, 凍到幾乎冇命.

照我兄長的經歷來推算, Fresh graduate 有機會入行, 雖然個title未必係Risk Management..., 但係都係做果D嘢, 工作的範圍主要係貸款的風險管理, 即係評估應唔應該借錢俾某某人做生意, 兄長入行時係讀工商管理的財務管理學位(BBA in Financial Management), 後來碩士都係讀返類似o既嘢, 但係有一個條件, 無論係外資或者係中資銀行都好, 要做Risk Management, 你一定要識普通話. 伸請生意貸款的國內人在近十年內多咗好多, 唔識普通話唔得, 當然如果你英文好好, 就更有利, 聽我兄長講, 銀行係好重視佢地英文有冇O Level (即會考或中七會考英文C級), 如果冇, 即使同樣係大學畢業, 公司都會對你幾唔滿意, 同埋佢地都幾着重讀邊間大學, 香港大學畢業的fresh graduate會比浸會大學的 fresh graduate的入職薪金高成倍, 職位都唔同D.