有關淫照的怎樣以反面教材教導子女？我真係唔識教！！

香港學生對批判思考實在思考得太少了,這是一個教導令嬡批判思考的好機會。

問題一:「如果阿嬌係錯嘅！就唔會有那麽多人"撑"支持佢,難道那些人係儍嘅！？」
答:一個人受到多人「撐」,是否就一定沒有做錯?多人支持,與個人做得對錯與否沒有必然關係,這是訴諸群眾的謬誤。二次大戰時期的德國,也有很多人支持希特拉的。就阿嬌事件而言,支持她的人或許是職業歌迷,不管對錯,都被迫要支持下去。

問題二:「聽說佢因為呢單野多左很多人揾佢拍廣告,又有機會賺多了＄,難道又是錯！？」
答:你是從那裏聽說此事一出,會多了廣告的?我聽到的可不是這樣啊!(樓上有朋友已作解釋)。況且,錢賺多了,是否就表示拍照的行為是一件對的事?賺錢是否衡量好壞的唯一標準?如果以賺錢的多寡作為標準,為何不把艷照直接拿去賣或製作周邊產品?

問題三:「佢拍呢Ｄ相又唔一定自願的,只是佢以前天真和太儍,但天真和儍亦也不是她的錯！」
答:我們不是當事人,固然不能肯定拍照是否自願。一個中學生,若說自己天真,還可說得過去。一個二十多歲的成年人,出道多年,在多個地方登台獻技,算是見多識廣,還說自己「天真」、「太傻」,我們很難說這是理所當然的。

問題四:「現在警方只是要捉"奇拿",又無話捉陳冠希和阿嬌等人,即係錯在"奇拿",阿嬌無錯！」
答:這句說話的兩個「錯」字有兩種意思:奇拿的「錯」是法律層面,是有罪對無罪的「錯」,阿嬌的「錯」在道德層面,是做對與做錯的「錯」,兩者不能混為一談。

係呀好難教呀！仔仔會問你…

媽媽點解妳茶餘飯後也講淫照？

媽媽妳係咪想姐姐死妳先收科？

媽媽，味得到姐姐同意，睇佢D咁私人既相，等唔等如強姦罪？

媽媽，你做衣D野，同姐姐有無分別架？

我會見意你叫佢唔好發明星夢、做神父、修女、父母、學生、紀律部隊、醫生、記者、教師、政治家…………，因為以上職業不能講大話、不能範錯、不能假拍淫照、連生仔照也不得，BB例外

个女話如果阿嬌係錯嘅！就唔會有那麽多人"撑"支持佢, 難道那些人係儍嘅！？

首先，如果要講阿嬌係對係錯，只係講呢個都有排講 ...
因為佢所做o既野，某程度上係屬於佢o既私人生活，每
個人都有自己o既自由，只要唔影響到人，其實大眾根本
唔應該去過問太多，雖然佢o既私人生活實在不太檢點 ...
所以就影呢 d 相黎講 ... 唔可以話佢錯，佢有佢自由。

但係錯就錯在，呢個世界係無永遠o既秘密 ... 佢自己都承
認佢自己以前係好天真好傻，咁其實某程度上都已經認自
己係有做錯事或太唔識諗o既時候啦 ! 而今次呢件事，實在
太誇張同埋攪得太大啦 ... 已經唔係變左佢地私底下o既事 ...
有好多人都接觸過呢 d 相 ... 亦有好多小朋友、青少年都睇
過 ... 對社會黎講做成一個好負面o既影響，就係因為佢地
係公眾人物，所以件事先會攪到咁大，就係因為佢地自己
影埋 d 咁o既相，先有機會俾人偷左然後上載及散播出去，
所以，呢件事上面，每一個當事人或者變成所謂o既受害者
，都係有錯，所以都要為呢件事負上責任或承受傷害。

至於"撑"阿嬌同埋支持佢o既人，可以分幾堆，第一堆係公司
o既人，大家同一間公司，都唔會想佢死，當然要力"撑"佢啦 !
第二堆係忠心o既 fans，有時已經去到迷戀或者瘋狂狀態，連
理志有時都會失去，又點會識分是非黑白呢 ? 第三堆係圈中人
大家都係做埋同一行，有 d 都係朋友，點都會幫手講下好說話，
但係你可以叫你個女留意下，大家"撑"佢，都只係話佢今次好
勇敢去面對呢件事，唔似陳冠希厘埋唔敢出黎見人，可以咁快
行出黎講野，同埋佢有向公眾道歉，要攪清楚完全係無話佢影
呢 d 相係岩 !!! 如果無做錯，做咩要道歉 ???

而且聽說佢因為呢單野多左很多人揾佢拍廣告,又有機會賺多了＄, 難道又是錯！？應該係做啱才對.....

你個女應該係無睇新聞 ... 快 d 叫佢上網睇多 d 新聞啦 = = ...

" 受害女星前路茫茫 "

Twins剛獲亞太女歌手獎項，在內地知名度被認定。可惜受事件影響，有傳有內地廣告商邀Twins拍廣告亦打退堂鼓。據悉，內地有公司擬邀Twins推廣牙膏產品，初時叫價達500多萬元，洽談後初步以400多萬元接拍；但突然爆出醜聞，廣告商即時叫停，曾有人提議只安排蔡卓妍擔任代言人，但廣告商仍擔心消費者「認錯人」，故擱置有關廣告計劃。

http://hk.music.yahoo.com/index.html?purl=magazine-news-article.html%3Fuid%3D4510123

而且佢拍呢Ｄ相又唔一定自願的,只是佢以前天真和太儍,但天真和儍亦也不是她的錯！

我絕對可以講佢一定係自願，因為我都有睇過 d 相 ... 全部都
係望鏡頭，完全睇唔出係被迫或者係不知情o既情況底下被人
偷拍 ! 佢自己都已經認佢以前係好天真同埋傻，咁即係佢對佢
自己之前的所作所為覺得好後悔。

天真同埋傻本身係無錯 ! 每個人成長都會有天真同埋傻o既時
候，但係在我個人而言，任人去影自己呢 d 咁o既相，話自己
當時太天真太傻真係講得太好聽 ... 如果直接 d 講應該係話自
己好唔理智，完全唔識得去保護自己，咁隨便任人影 ...

女兒說現在警方只是要捉"奇拿",又無話捉陳冠希和阿嬌等人, 即係錯在"奇拿",阿嬌無錯！唔通老豆你話警方都做錯咗！？

首先，每件事對與錯係根本好難有一個好清楚o既界定，好多
事情上面都有好多灰色地帶，但係好明顯你個女而家講緊警
方o既處理手法，係同對錯無太直接o既關係 ! 而家係講緊有無
犯法o既問題 ! 如果你個女太細個，你可以講 d 例子俾佢聽 !
例如 : 有個o靚仔唔尊敬佢父母，用粗口話自己爹地媽咪，咁
呢件事上面，個年青人一定係唔岩啦 ! 係做錯啦 ! 但係香港係
無一條法例係因為用粗口話父母而要入獄或者罰款喎 ... 咁所
以警方只可以拉一 d 犯左法o既人 ...

警方唔拉陳冠希同埋其他相片中的女主角，係因為佢地只係
影一 d 不雅照片作私人收藏，所以警方無任何理由去拉佢地 !
而 "奇拿" 因為將呢 d 不雅照片上載，警方話佢犯法 ! 所以咪
可以拉左佢囉 !

2008-02-15 00:06:34 補充：
其實每個人都經驗過由小朋友變大人o既過程 ...每一個大人都想保存小朋友純真o既世界 ...但係現實o既世界根本唔係一個理想國 ...有光就有暗 ... 大人無可能永遠將小朋友放係溫室裏面 ... 唔俾佢地接觸外面o既世界 ...太過保護反而係害左佢 ... 當佢第時大個左 ...一下子先接觸到咁多野 ... 可能會令到呢個溫室小花受不了 ...

2008-02-15 00:09:12 補充：
其實做父母係應該係適當時候學會放手 ...俾子女有自主權 ... 俾佢地自己去跌跌碰碰下 ...不竟人生係要有 d 磨練 ... 人先會變得硬淨 d !做父母應該著重身教 ... 做好本份先 ... 從小給予良好o既教育 ... 灌輸正確o既觀念 ...係適當時候伸出援手 ... 指引下佢地前面o既路應該點走比較好 ... 作出適當o既指引 ... 其實已經好足夠了 ... 不必太緊張 ... 始終前面條路都係要佢自己去行 ... 父母盡左力 ... 其他就靠佢地自己造化啦 ~

首先可以好肯定咁話你囡囡知, 並唔係一定警察叔叔做嘅野就一定0岩晒!
如果唔係, 就唔係上星期日有好多人一齊上街遊行話警察叔叔做錯事了.

第2, 如果你唔怕過早俾囡囡知道世事嘅醜陋, 大可以老實咁同佢講以下呢番話:

「社會上有好多唔同嘅人, 佢地做事好多時就算做錯左都唔會話自己錯. 尤其係一D出名又有地位嘅人, 你諗下, 如果佢同大家講佢做錯左佢咪會好冇面? 所以第一樣野係, 呢個世界上冇絶對0岩嘅人! (咁講俾佢理解好多時人係會為自己利益講大話死口唔認錯) 同埋可以大膽講句, 呢件事入面無論係陳冠希/阿GIL/其他藝人/奇拿/到警察叔叔甚至傳媒, 全部都有錯!

「好多人話阿GIL冇錯, 冇錯! 阿爸覺得佢地係好傻! 點解佢地要咁做呢? 可能因為佢地一齊都認為阿GIL係好好嘅女仔所以先鐘意佢, 但一下子發生D咁嘅事, 如果佢地要說服自己以前俾人地呃左, 好蠢咁鐘意左個唔係咁好嘅女仔咁耐, 佢地咪會俾人地話蠢(同埋當中好多歌迷都用左好多$$架係咪~)?! 所以幾大都唔可以認係自己冇眼光!!!
廣告商就更加唔使講了! 一來要俾臉阿GIL 個大大老闆楊生(因為佢好有錢!), 二來只要廣告主角够'知名度'够'出位', 廣告就已經係收到宣傳的效用了, 當然有利可圖, 所以佢地咁做只係為自己. 並唔係要證明'阿GIL冇錯!'

「講到阿GIL不是自願拍相, 你可以理直氣壯地話囡囡知, 佢係自願嘅! 如果唔係點會好多相都望實鏡頭?! 致於'天真'一詞, 你可以問番囡囡, 問佢覺得'天真'在佢來講係乜? 僻如, 小朋友唔識野講錯話, 我地可以話佢'天真'. 係因為佢唔知道事情嘅後果, 同埋佢都係冇心去做嘅. 但放在一個已經二十幾歲的藝人身上, 你問你囡囡, 如果係妳朋友仔要剥光猪影相, 佢會唔會知羞羞? 會唔會唔理後果就'無心'去做? 如果連一個小朋友都識點諗同知道要保護自己, 一個已經入左社會幾年嘅大人又會唔會仲咁'天真'?... 做得嘅當然係有某D地方佢會有所得益先咁做 (可能收左好靚嘅禮物又或 俾人氹會幫佢發展事業?)
所以莫講話阿GIL唔可以借'天真'呢個詞來解釋, 就算佢真係'天真'到唔識保護自己, 呢個本身就係佢嘅不足, 即係做錯左嘅地方. (要話佢知做人要識得保護自己, 同埋所謂保護, 有時係要同物質上嘅引誘角力嘅!!)

「講番警方捉'奇拿'呢件事,奇拿偷人地D私人相出來俾咁多人睇固然係好錯! 但係警察為左討好有錢人(點解要討好?你話呢?)(藝人集團)所以求其咁拉人, 呢個就係佢地錯嘅地方. (要話佢知宜家係香港真係會有偏幫有錢人嘅情況, 同時俾佢知呢個社會係有好多唔公平, 同埋呢個係一個唔妳嘅現實.)

「最後講埋陳冠希, 問番你囡囡, 如果係佢唔小心整泄D熱水, '陸'親其他人, 咁係咪都應該要出來講, '係我唔小心, 對唔住'咁? 但係陳冠希直到宜家都冇咁做, 所以佢可以話係唔肯承擔自己嘅責任, 係有做錯. (呢度要話佢知唔理動機係乜, 做成他人困擾的話好應該負番責任).

當然呢件事可以有好多好多個唔同角度去睇, 但我覺得最緊要係你要令你囡囡明白一樣野: 世間上嘅野唔係好似佢睇到嘅表面咁簡單...唔好成日人地講咩佢就信咩.

雖然佢細個可能都未能够明晒, 但今次事件正好係一個契機去逼家長們要放棄成日同小朋友編織一D現實有幾美好嘅童話故仔, 教佢地現實世界嘅黑暗之處. ...係好事...

以下係我既想法：

首先唔好講0的藝人~~~本身電腦公司將客人既資料偷左出黎自己用係成件事最錯既...

至於陳冠希身為公眾人物缺乏左保護自己私人既意識係佢既過失同大意~~~

咁至於影0的咁既相係咪錯？可以話係對香港大多數人黎講都係太開放~~~不過佢無錯架，本身係佢地2個之間既事，發生既時候係無影響到咩人~~~~只係宜家發左出街搞到好似好大件事~~~

呀嬌果方面，佢話佢以前天真同埋太傻，咁講係可能因為佢宜家同以前既心態唔同左~~~佢如果影果一刻都覺得天真同傻既佢就唔會拍啦....影咩相都好，佢影得相預左係比人睇~~~不過係咩人同幾多個人既分別囉~~~

另一方面佢係公眾人物，而佢同佢公司亦都好清楚個市場要0的咩，佢要抱咩態度出黎澄清。即使佢覺得成件事錯既只係發相既人，佢都會因為工作而講一0的佢覺得市場可以接受既野.....令人對佢再有信心~~~佢當然唔可以諗到咩講咩啦~~~

佢工作量增加果方面，其實對於某一0的搵佢做野既人黎講，佢咩形象都可能唔係最重要，重要既係佢因為哩件事增加左見報率~~~廣告商買廣告都係想多人留意~~~加上呀嬌公司一日仲用佢，佢地總唔可以比人覺得呀嬌因為發生左一0的事而停晒手~~仲有twins係好賺錢既組合~~~所以都係基於商業上既考慮~~~

支持者果方面我諗同任一個人好鍾意一個人既時候既心態都係一樣~~~~可能一個人佢鍾意果個人超唔好脾氣~~~不過果個人個樣已經足夠令人鍾意佢就夠~~~其他野都唔重要....即係咁咋嘛~~~

最後係警察果方面，有人報警緊係要做野啦~~~至於點解咁多人覺得佢地幫公眾人物就咁落力，其他就好似唔太上心~~~我諗主要原因係社會形象既問題。因為件事已經日日見報，加上佢地係公眾人物~~~太多人對佢地既事感興趣，0的警察唔快手0的解決既繼續拖落去只會愈講愈離譜....咁都係可以理解既....

陳冠希都係應該出黎交代，係因為整個娛樂圈形象既問題~~~偷野既人都一定要拉....

我未嫁人~~~更加唔知一個家長係點睇，不過我對於我知既野就係有咁既見解啦~~~希望你岩洗啦~~~

跟你的女兒說，這個世界有一種職業叫「職業Fans」，意思是收中介人的錢，去扮藝人的Fans；早幾年都有少女接受報章訪問，如何帶領百多人做「職業Fans」。

首先，你不能一口咬定阿嬌是錯的；天下間沒有人喜歡被人當面說一句「你是錯的」，換了是你或是我也不能接受。我們應該從另一方式去說，例如：阿嬌當日說自己沒有拍過這些淫照，說這些照片是移花接木，是假的；但昨天她卻說自己以前很傻，即是默認該照片是真的。

這些說謊的偶像我們是否應該接受？她笑著出席記者招待會，到底她是否真心「為自己的行為而影響公眾」向公眾道歉？

我們只能表達自己的看法，孩子大了，論不到你說一不二的了。我們可以去換另一個角度去看，的確性交和拍淫照是沒有錯，很多夫妻情侶都有拍淫照；可是「性濫交」的態度我們是否值得去學習？警方說「擁有淫照都是犯法」，如果你女兒去拍淫照又算不算犯法？（針唔刺到肉都唔知痛）

「愛是盲目的」，這一刻你女兒覺得阿嬌好，但下一刻你女兒有新歡時就會忘了阿嬌的了；兩父女不用為此人反目斷親情，值得嗎？

「奇拿」的確是有問題，「奇拿」如何得到這些照片？他沒有得到當事人的同意便發佈照片，我們可以向下一代反映，如果將來你女兒拍這些照片，日後被人發佈上網也不能有怨言；「要為自己的行為而負責」，這是我們可以教導下一代的只有這些。

你個女幾歲,有冇睇過d相.我個女就正青春反叛期.我只係形容d 相中人做d乜.同埋話比佢知d人全部都係大過佢知自己做緊d乜.問佢大個有人要求佢做同樣嘢佢唔會,如果如有機會唔好彩一樣公諸於世,咁頂唔頂得順. 已經嚇死. 佢都會話兩個都咁衰. 我再話以前為家人可能做舞女,跟住為書包做魚旦妹,然后為名牌出來wet做援交,依家重痴,但求high乜都做..重知可憐天下父母心

應以BO BO 及柏芝為教材, 無面見人.
阿嬌以後也會聲勢下滑, 稍后也可作教材.