水草一定要光??

水草會吾會出氧氣??

如果水草冇光會吾會出氧氣??
有光合作用就會產生氧氣，但你見唔見到氧氣成個泡咁出現o係葉底就另一回事。當溫度、二氧化碳濃度適中，光又夠強o既時候，光合作用旺盛，生產o既氧氣就會比呼吸作用（用氧氣產生能量）耗氧快，咁就會有氧氣由葉片釋出。如果水流唔強，就會有氧氣泡。
所以「冇光」的話，一定冇氧氣；但你係完全冇光定係弱光？水草有分陰性草同陽性草，分別係前者對要光要求低，水榕、莫絲、鐵皇冠只要好簡單o既燈具就夠，甚至室內光都得；後者就一定要較強o既光，視乎水深同缸o既大小去揀燈具。
水草大約幾錢??
十蚊一袋到幾十蚊一棵／支都有；椒草可以幾百蚊一棵。陽草多數生長較快，所以較平。

水草易吾易種??
有適合環境（適當o既砂／泥底床），生長條件（光、二氧化碳、肥），一定有ｄ草會生到巴巴聲。但有ｄ對水質要求挑剔，如鐵皇冠水溫廿五度以上有機會葉片變黑同爛；陽草中o既雪花草亦不合高水溫，可能要買水冷機。

燈要幾錢??
如上所述，睇你種乜草同個缸幾長／深。夾缸邊o既燈仔一舊水都得，個缸又深又長的話，要用鹵素燈，可以以千計。
你都係諗清楚自己想種乜先啦。買任何硬件前都要諗過度過，否則都係浪費。去呢度 睇下舊文啦。

水草未必一定要光既~
有分陰草陽草~
陰草唔駛光都得
e.g. 各種莫絲,鐵皇(觀)
陽草多數都係10-20蚊果d
水草會係朝早出氧氣
夜晚就出二氧~
冇光就唔知啦
水草最平10蚊
最貴百幾度啦
有水草泥同肥,其實都好易種
冇既都可以既
燈幾錢我都唔知(未買過=___=")

仿真水草不用光
真水草無光會死,還點會有氧呀.
幾十元都有,有d去到50-60或以上.
仿真水草好易種.
50-1000都有,有平有貴