水晶問題(有關水晶鏈)

睇下你係當佢地只係其中一類飾物帶下，定係信佢有特殊功能。
如果只係當飾物帶下，簡單好多。你想點整都得。穿手鏈的橡筋深水埗買珠仔同水晶的舖頭都有得賣，分好多唔同顏色，唔同粗度，你入到去問人就得。亦可以帶番去你買手鏈的舖頭叫佢幫你穿過，通常唔收錢（售後服務）。覺得唔閃，唔令，用洗潔精洗洗，沖番水，吸乾水，自然風乾就得拉。
如果要有特殊功能，就覆雜好多。放起褲袋，衫袋可以，不過，最好都係貼身d。你件水晶開左光未？加左念力未？加左就唔好比其他人掂佢，比人掂過要淨化番。淨化有好多方法，日，月精華是其中一種，清澈河流，鹽，冰箱（雪櫃），水晶泂，水晶簇都可以，有d大師話佢地可以用本身的念力去淨化同增強功效。你去大型的水晶舖都會有淨化的簡介單張比你攞。一般的水晶舖仔都會有水晶洞，佢地會幫d熟客淨化水晶。
但係同水晶傾計我就未聽過。只要你信，一試無防。