佛教是如何傳教？

我從來無聽過師父叫我或者D師兄去傳教. 師父淨係叫我地好好修行.

平時人唔問, 我都唔講佛法知識. 問幾多先講幾多. 如果有人有興趣上道場看看, 咪帶佢一齊聽開示, 或參加活動LOR. 下次佢無興趣, 我又唔會追問.
基本上收教徒唔係最重要, 最重要係佛法能幫到別人便好. 識左一D佛法, 有用有幫助, 亦唔一定要做佛教徒.
教徒亦不好勉強家人信佛, 師父反而會叫D弟子尊重家人自由, 搵個大家都好既生活方法. ( 例如主婦不殺生, 家人卻愛吃海鮮等問題.)

呢個尊重別人意願同自由, 係其中一件我喜歡佛教的原因.
就算我依家話唔信佛, 信基督教, 師父須然會為我可惜, 但都唔會比壓力我. 有事再找師父, 亦會跟對所有人一楊咁平等對待.

講座, 活動, 法會......會有海報, 大多數貼齋舖, 流通唔廣. 除非是遠地來港的大法師開法會, 才會多些宣傳.
廣播都有, 但聽到佛法, 喜歡佛法的, 也不一定會成為佛教徒.
我想佛教著重傳法, 而傳教則非常隨緣, 基本就是做好自己, 有麝自然香吧.

同基督教的傳教法很大分別, 不過基督教的事, 由他們自己講好些. 說錯了就不好.