情人節朱古力!?

就甘放係ｄ陰涼ge地方就ok...
因為天氣唔熱......

其實只要係for煮食用o既朱古力就得~
有o的係一大舊~有o的係一粒粒~
不過唔好用平時食開o個o的朱古力~整出黎效果冇o禁好~
我上年係o係city super都買~當然log on都有~
有黑朱古力,牛奶朱古力同白朱古力,係一粒粒ge~
一包好似500g左右,大約50幾蚊~
其實好多,根本就整唔曬,如果想唔知o禁多可以去其他鋪頭買,
呢排就黎情人節~應該好多鋪頭都有得買ga la~
我記得油麻地有間樓上鋪專買整蛋糕,朱古力o既材料~
冇記錯好似叫二德惠~可以上網search下~
不過記得早o的去,我上年2月13號去,超多人,多到等左成半個鐘先有得上去~

另外教埋點整朱古力la~其實最好最好o既方法係隔水煮溶~
有o的話可以用微波爐,煲o個o的好容易失敗,整得唔好~
因為煮朱古力最重要係溫度~隔水煮溶o既溫度最容易控制溫度~但係微波爐同煲好難搞~
朱古力一定唔可以熱過50度,唔係就會失去光澤,會變得好樣衰,好似仲話唔食得,
講下點樣隔水煮溶la~當然最重要一定要有朱古力~
如果係一磚磚o個o的朱古力就要砌碎佢成一條條,
如果買番黎已經係一粒粒,唔大舊,就可以慳番呢個步驟~
根住要準備2個大兜,最好係不"秀"鋼~會容易溶o的~
同埋最好一大一細,假設細o既叫A,大o既叫B~最後就要支溫度計~
呢o的可以去吉之島10蚊店或者日本城都有ga la~唔會貴~
首先煲滾o的熱水,將o的水倒落不"秀"鋼兜A到,少少得,唔駛太多~
根住搵o的水溝番佢,平時飲開o個o的水或者水喉水都得,等佢唔好o禁熱,
用溫度計度4x度左右就得,將o的砌碎左o既朱古力放落不"秀"鋼兜B到~
將B擺o係A上面~慢慢搞下佢,o的朱古力就會慢慢溶~
記得朱古力一定唔可以加水,絕對絕對唔可以,加完就唔駛食ga la~
一路搞要一路留意番個溫度,唔好比佢低過30度~
完全溶曬之後就可以倒落個模到~之後雪落雪櫃下格,唔好雪o係冰格~
通常雪幾個字就得~白朱古力就雪耐o的~你見到佢硬曬就拎得出黎~
再脫模就搞掂ga la~~~有咩想知可以再問~~~

補充~o個2個不"秀"鋼兜o既size唔好差太遠~最好只係細1寸左右就ok ga la~
因為上面較大o個個o既底浸到落o的水到o的朱古力先會受到熱先會溶~
所以水太淺就溶唔到,太深就可能整瀉o的水~
有人可能會問點解大o個個要擺o係上面,細o個個擺o係下面~
之前都講過,朱古力唔可以加水,所以大o的o既o係上面~
係希望確保唔會有水氣落左o的朱古力到~

我建議你買本家政書番黎睇!
係度好難清楚!