✔ 最佳答案
鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交,有病就會叫.
睇唻你隻鼠係受驚,唔知同一籠仲有冇第隻鼠呢?如果有第隻鼠就更易受驚(因鼠鼠係獨居動物)你應該唔係買左隻鼠好耐,鼠鼠身體咁弱小,好易會受驚,就算已經同你熟左都會因好小事而驚,受驚有機會誘發甩毛肚瀉等疾病,所以要小心處理
而家可留意以下既問題:
1)檢查鼠鼠身體及排泄物睇下有冇異常,除左檢查外,就唔好打擾鼠鼠,唔好抱鼠鼠住
2)如果有第隻鼠就要分籠,鼠鼠唔知係咪有病,如果有第隻鼠既話就易乘虛打死佢,又或傳染疾病(鼠鼠本身係獨居動物,冇事都係分籠會對鼠鼠好d)
3)將轉輪拆出唻,買返一個安全既轉輪,都有機會係轉輪有問題令鼠鼠唔舒服而受驚,要留意轉輪唔好係一間間會卡鼠腳既,唔係都會好危險
如果怕拆轉輪令鼠鼠受驚,可等鼠鼠行開左OR訓緊OR先將鼠鼠放去第度先拆
4)留意鼠鼠有冇飲食,有時鼠鼠受驚就唔食唔飲
5)到鼠鼠正常返,俾佢靜多兩日之後,可以試返呢個方法,慢慢同鼠鼠熟,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱
6)而家天氣較凍,記得放鼠專用棉俾鼠鼠,新買既鼠未咁快慣,未必會用棉,所以都要小心冷親鼠鼠,放多d木糠及留意個籠放既位置會唔會太凍
2008-02-11 19:29:30 補充：
如果之前同鼠鼠太急住熟,都會令大家關係看似熟左,但其實鼠鼠都仲會對你有戒心,所以唔好咁心急,慢慢唻會較好
2008-02-12 21:09:51 補充：
洗籠當然最好用水去清洗個籠,平日就可以每天將排泄物集中地清理左再放墊材,而每個月or鼠鼠生病時,就最好用小動物消毒劑or牙膏去洗籠而紙砂因為係粒狀,我就覺得較危險,好易整傷鼠鼠既腳,所以最好用一d較貴,大塊d既木糠,咁就好d,詳細原因可參考以下我回答既知識:
http://hk.knowledge.yahoo.com/question/?qid=7008010201164
2008-02-13 07:25:57 補充：
係在你手逃走定係佢自己開門走呢?鼠鼠逃走搵返及防止既方法可參考以下我回答既知識:
http://hk.knowledge.yahoo.com/question/?qid=7008012600682而如果係在你手咁走既話,就唔好攪咁多鼠鼠住,同鼠鼠熟左先,運送鼠鼠去第個地方沖涼,就可以用沖涼既缸放近鼠籠既門,等鼠鼠自己行入去,咁就冇咁易走左去
