What is OD 波

What is OD 波
O/D OFF 即關閉了O/D波。O/D即飛波(over drive)，通常用於高速公路上，可節省燃料。要了解如何使用O/D波，則要同時了解其他波段之用法。以下是一套四前速自動波之解釋，而飛波即第4波段，如﹕
P波----泊車時利用引擎鎖著車轆。
R波----後波。
L波-----低波，即只用1波行車。
2L波----低波，即自動會用1或2波行車。
D波----行車波，即自動選擇所有波段行車。
O/D off----即關閉飛波，即除了飛波，自動選擇所有波段行車。
駕駛自動波車，就可利用以上之波檔，模擬手波車之kick down動作。例如當自動波車在公路上正使用O/D波，是可以用O/D off，迫使汽車降落至3波以超車。但亦可將波檔推至2L波，迫使汽車降落至2波。兩者之分別，是推至2L波之動作會強勁很多，而使用O/D off則加速弱很多，因為第3與飛波之波比很近(自動波車1至3波之波比都很遠，而通常距第4波只有一半距離)。有時甚至冇反應，因為該車當時正在以第3波行車，當使用O/D off時，都是迫汽車以第3波行車。因自動波車只顯示波杆位置，而真正波檔是須要感覺，所以新手都應使用D波及O/D行車，這通常是車主手冊提議的。如何利用自動波車像手波車一樣省油好力，就要各自溶會變通。
註﹕如果是五前速自動波，則O/D波就是第5波。

2008-02-15 09:03:54 補充：
其實呢,od係應該長開,咁幾時閂呢?應該係响要減速時用,用來拖波,減少brake皮磨損.一句話od是多加的高一波,希望你明白,唔明再問吧.

O/D乏指齒輪比例低過1:1嘅波段, 所以唔一定倒只係最高個波.