見習投資顧問

首先要了解點先至係一間合法的投資公司。樓上的叫你去查證監的網係其中的一個方法。另外，有d公司會登記保險牌而銷售「投資相連產品」，即係賣基金。你可以上HKFI, CIB 同PIBA查下佢有冇起呢幾個機構度登記。若全部都冇，呢間公司係無牌經營，報警，等警察做野。
凡職員（無論職位名稱是什麼，見習生，培訓生等）為人客提供投資意見，介紹投資產品（基金、股票、債券、保險、公積金）等，都要取得相關的牌照否則屬無牌經營，犯法的，睇下報紙法庭版拉，有人就因為無牌做單孭官司，投資牌好復雜，唔同的產品有唔同的牌照，賣時要睇清楚自己有冇賣個種產品的牌照。
至這個廣告有疑點
1 考試是公開試，任何人都考得，考試合格後，要經公司遞交申請牌照給相關機構，而其中一個申請條件是中五學歷。所以冇可能學歷不拘。取不到牌不能賣單，公司冇可能白養你。
2 在職培訓其間，而你又未有牌，介紹產品都係犯法行為，出左事要自己負責，刑事。
3 若在培訓期間，無,需介紹單，咁請你返嚟做乜，定係個段時間冇糧出。
如果你真係想投身金融業，搵間大的公司，入職先，安全好多，佢地會跟足法例做野，佢地個牌好值錢。至於d 細的金融公司，等你熟左個行頭先考慮拉，費事比個老闆點左你做左d犯法野都唔知，有時連個老闆都唔清楚個牌可以賣d乜，唔可以賣d乜。有d公司仔以為攞其中一兩個牌就可以賣晒所有產品，所以你都係小心d好。

如果你對該公司有懷疑，可到證監會網站查詢：
http://www.sfc.hk/sfc/html/TC/intermediaries/trading/licensed/licensed.html

就聘用條件而言，該公司列出的不算特別優厚。如閣下打算補讀夜校並考上牌照，當然有公司會請，問題是請了以後會如何？

投資顧問屬於銷售行業，任何人交不出業績的話，必須自動離開。銷售行業講求的是人際關係和待人接物技巧，學歷和知識只是其次，所以閣下應先考慮自己是否適合這種工作，否則只會浪費時間。