第一次歐洲旅行, 大約30天, 請問各位意見

1. 每個點平均約6日，唔算太趕，不過未必可以玩太多城市，每個國家可能一至兩個城市。你上面個flow都ok，不過我建議倫敦放最後一站，因為雅典去倫敦要成6個鐘，再轉機返香港比較辛苦。
香港 -> 法國 (停4日) -> 瑞士(停7日) -> 意大利 (停6日) -> 希臘(停8日) -> 倫敦 (停4日)
2. 如果倫敦擺最後一站，你可以考慮第一站停法國，去到倫敦後即轉機去法國，或者由倫敦坐火車都得，由英國 ->法國 ->瑞士 ->意大利都可以坐火車來往，最後由意大利坐飛機去希臘。
3. 依家手上無乜資料，法國既巴黎 (我無乜心水)，瑞士既琉森加少女峰或鐵力士峰，意大利既威尼斯，米蘭加羅馬(梵蒂岡)，希臘既雅典, Santorini, Mykonos。(希臘行程可以參考我上次去 http://hk.myblog.yahoo.com/jw!qsXBsnmFGRtQxiiw4ZER5HJslDmiaQ--/article?mid=180)

4. 可以住民宿，比較經濟，可以上網book，或去到先揾，當地遊客中心大多數都可以幫忙揾地方，不過要留意你行程既到達時間，如果係深夜或清早到達，就可能較難揾地方。