咩叫做明辨事理呀?? 點先至算係呀? 點可以做到?

講真呀,我真是好認同你的立場,你的說話!唔通人地做錯野,鬧佢叫做唔明事理?唔通真係要尊重長輩先至叫明事理咩!不過,在俗世中,的而且確,你提及果d尊重長輩,唔駁咀和低聲下氣咁樣去同人講一些佢的缺點,你要做到咁樣佢地先覺得你先明白事理的!不過,我就極不認同佢地的依一種思想囉!因為一來,道理在我方,我自己發放我自己的情緒有咩不對先!二來,有些人對某些事的觀點同自己對那件事的觀點有出入,同佢理論,有咩不對先!
不過,雖然你在道理上沒錯,但係你錯就錯在禮節上了!講事實呀,在親戚的關係中,確實有不少親戚的行為會令自己憤怒,而且佢地覺得那些令自己憤怒的事是小事不用理會,不用執著,你真是沒咩可以做到的呢,只可以忍佢地啦=.=!人就係有時要顧下禮節上的東西了!有時人有些行為會令某些人反感,但係要點樣處理這些反感,又係另一回事!姐係你同那個人係咩關係,如果大家係親戚關係的話,你就要講野有禮貌d囉!有時,道理在你方,但係你處理得錯誤就會錯在你方的!總括來說,你覺得佢點樣係一回事,但係你點樣去處理又係另一回事,照你的處理手法來說,的確在俗世中來說,係錯誤的,不懂得人情世故和不明白事理的!我覺得你真係要改下囉,因為如果你唔改下你依種的處理手法的話,始終都係會令自己更加唔開心囉!
要處理好自己對家人和親戚的一些不滿情緒,首先就要忍!當你忍無可忍的時侯,你就要同佢低聲說,但係你說得出來的話,你就要預左受佢的氣了,因為好多家長的缺點就係唔知自己錯,而且說佢地錯的地方的時侯,始終唔肯接受事實,仲要被佢地反罵番自己轉頭,整到明明佢地錯都搞到自己錯咁!沒辦法嫁啦,我覺得最好的方法始終都係要忍!有時道理在你方,但係你處理的手法唔配合場合中的人的性格的話,就係叫做唔得體囉!例如,你的親戚有些事隱瞞佢的親人,但係你又知道該事,而且在眾多的親戚面前說依件事出來,你咁樣做在佢地的眼中就係不明白事理了!所以,要做到俗世中的明白事理,就係要裝不知道親戚的私隱,不滿親戚的情緒都不可以發放出來和要做到去婉拒親戚的一些邀請!仲有,雖然話就要做禮貌的行為,但係又唔可以做太假,因為太假又會令親戚不滿!要在人際關係中生存,最重要就係要忍和因應不同人的性格而作出不同的行為!我想你要做到明白事理,忍都係要難免的了!要做到明白事理,都係要忍和有禮貌!其實,明白事理的定義好廣泛,我覺得你不如探索下你親戚的性格,再想下點樣去表達對佢的不滿情緒和提醒佢,如果你想不到的話,你不妨在依度給我地網民分析吧,始終一人計長,二人計短呀馬!你仲要看下佢地這些行為係唔係小事了!姐係人地有些動作,你好討厭,例如:吸煙!你就要忍和盡快離開現場\(不過要找藉口,例如:同人去打波!),或訐吸煙在某些人當中係小事,但係好難忍的呢,不過如果係親戚的話,就要忍下囉!要觀察這些行為在那些人當中是否係小事的話,始終都要你同那個人相處的經驗和你的觀察力啦!要在人際關係中打混,忍同埋處理手法都好緊要!仲有咩問題,儘管上來問吧!

你好！
其實你o既問題係出於你祇站在自己立場去睇事，因為明辨事理就係站在一個中立o既位置，而去睇每一件事，再o係一個合適o既時間，位置去解決你解決到o既問題，而當你覺得應付唔到o既時候，就要好虛心咁接受別人意見，雖然從別人處去睇每一件事係好難，不過你會發覺到你會受人歡迎好多o架！
以上純屬個人分享，不喜勿怪！
祝你鼠年行大運，事事如意！