令中文更上一層樓(高手請進)

其實我覺得你考到咁都幾好啦...會唔會是你自己要求過高呢？
我覺你現在出去考都可以有5了...
我係07ce的，中文卷偏偏只係得作文同綜合卷幾好，
唔知幫唔幫到你...

經常都聽人說要作文好就要睇得書多，這絕對是事實，
不過你應該只有兩個月時間，睇書的幫助反而很低。
我覺得你可以一直keep住作文，跟住比你個miss改，
佢應該會肯改的，佢應該都知你有可能有5*的...
仲有，作文嘗試找2類文，例如當時我是選了抒情文和描寫文，
然後在這兩種文不斷鍛鍊文筆，
這應該是兩個月內做到的事情。
點解選2類文，因為選了1類而CE唔出就真係喊到無謂，
太多又會唔夠時間...而且有些文，例如議論文，
就真的考你想不想到例子，其文筆就在其次。

綜合卷有人強調格式，不否認這是相當重要，
但我假設你已經懂了每一種實用文的格式了，
如果唔記得就請仔細背背。
重點應是在於如何把重要的資料抽出來，
和如何把一堆資料歸納加以擴展。
我覺得這點可能會比較著重於臨場的表現，
而看你的水平，我反而覺得其實我再講也只是基礎，
你應該全部都曉了...
唯一建議是做唯一一份pastpaper和那份mock，
做完給你個miss改，但之後的功夫才是重點，
是學會到底自己有那裏做不好，
例如為甚麼當初找不到一個重點，或把重點歸納錯誤等等...

希望幫到你吧！