百老匯 禮蜜卡 使用條款

我今日去左睇戲
都係用禮蜜卡係網上訂票

我係用學生價去買飛既
所以冇問題!!
除非套戲電影公司指明冇學生優惠
係選擇完座位之後
有得揀係成人..小童..定係學生票之類既格
不過要注意
佢個格係放係信用卡訂飛度
不過冇問題
你照揀就ok
之後拉落去打返禮蜜卡既編號同pw

而且
網上禮蜜卡訂飛係需要俾手續費
每一張飛就要俾$6
如果訂兩張飛就$12
如此類推

據我所知
禮蜜卡係唔可以增值既..
如果有餘額
有兩個方法可以用埋佢
1)去票房度買..
再補返差額
2)上網訂飛
可以用信用卡補返差額

因此
用淨$10
應該唔可以係網上夾張新卡去使用
因為係網上冇得俾你咁樣選擇
只有一個格去打一張禮蜜卡既編號同pw
而信用卡可以用既原因
係因為當你揀完座位後
個頁面既上半部係打信用卡資料
下拳部你打禮蜜卡既資料
如果只用其中一種方法訂飛
就唔駛去理冇關係既野

如果網上訂飛夾卡用
係岩岩個情況應該就唔得
但係如果兩張禮蜜卡都有足夠既錢去買飛
就可以用各自去訂飛


記住!
睇戲當日要帶返訂飛張卡
用學生優惠去睇戲
就要帶學生證
如果唔係有機會會要求你補返差額$15

用法好方便
每間戲院都有2~3部自助取票卡
你只需要帶返訂飛既卡
係部機度碌一碌
就即刻有飛出
唔駛輸入任何資料

希望可以幫到你