女朋友打電話黎 但係我冇聽(急)

冇咩點算..根本唔係你既錯呀~試問有邊個可以確保24小時電話有人接聽?
細路女嬲o下就冇事架啦~

我唔知你msn同佢點道歉 不過哄細路女就要用哄細路女的方法~
可以試o下道歉之中又有小小笑料引o下佢笑囉 ~笑返就會冇事架啦~
例如 ↓
對唔住呀>< 頭先打緊波聽唔到電話響呀~你唔好嬲啦>< 最多我以後痴個電話o係隻耳仔度~沖涼去廁所都痴住佢日日等你電話^o^ 好冇呀?~好掛住你呀 你快d覆我阿 唔係我喊架啦~>< 等你~~

如果佢收到之~都唔打比你 可能係因為要面~你過1.2小時之後再打~就冇事架啦

多謝哂
我打返比佢冇事了- -
都唔知佢嬲乜-3-

身為女仔....

我會建議你唔好搵佢住

如果你而家做死狗....第日佢小小事都會發你脾氣

到時你真係死都唔掂

因為佢知佢發你脾氣你會就範.....

其實一個好女仔唔會因為咁小事去嬲.....

MISS左個電話之嘛....

如果佢因為咁而嬲....即係佢小氣加任性...

如果你唔搵佢...而佢真係一直都唔搵你...

你更加唔駛理佢...因為佢愛自己多過愛你

亦唔識體諒你....

如果佢日後會搵番你...你都唔好得得戚戚咁..

因為證明佢仲緊你...只係唔識諗....

你要表現你既大方....原諒佢.....但同時都教佢同保證....

你唔聽電話唔係特登..而真係電話唔知電話響...因為有野做....或電話唔係身邊

當你知miss 左call...你會即刻打番俾佢

你亦可以同佢講....如果你明知咩時段你唔可以聽電話....你會之前之後都同佢講一聲

果陣佢心情平復....佢會聽得入你講既野.....加上佢亦知道如果佢耍任性

你可以唔理佢....但如果佢認錯....咁佢就可以得到你既原諒

我係女仔

係女仔係想個男朋友幾時到聽佢電話

1.你可以去佢屋企同佢say sorry(如果可以)

2.去佢學校or做嘢果到接佢放工or放學(到要一路講sorry)

我只係想到e d

過幾日係情人節，送朱古力，或者送花．．．．．．ｏｒ送ｄ佢ｌｉｋｅ嘅嘢比佢

唔知幫唔到手！