澳門懷孕勞工法例

呢個答案你可能唔啱聽，但係事實－公司冇違法．

呢個case，響澳門相關法例中有幾項重點：
男女平等，更加唔可以歧視懷孕婦女；
懷孕婦女有權享受35天有薪產假（以三胎為限）；
僱主唔可以解僱懷孕期內及分娩後三個月嘅婦女（賠到足又另計）；
懷孕或分娩導致疾病，有權缺勤，而唔會構成被炒嘅理由，但係，如果超出指定假期，就冇糧出．

勞工法例亦有另一條規定－唔可以減人工．

問題係，你呢個case，第一，加唔加人工係公司嘅決定（公司可以因為本身業績，市況，員工嘅表現決定加唔加人工），員工只有權覺得唔啱數而另謀高就，或者令到公司炒，賠返解僱補償，但係冇得強迫公司加人工（唔可以減，但係冇規定保證有得加，就算全公司個個有得加而唔加俾你，都唔構成佢違法）．其次，關於花紅，花紅算係”獎勵”嘅一種方式，而唔算係固定薪酬嘅組成部份（唔係”獨一薪俸”之一），都係一樣，公司可以因為各種各樣嘅前提，而決定出唔出花紅俾某某員工，就算全公司都有得出，只有你冇，都唔構成佢違法．

如果佢唔放你有薪產假，借題發揮炒你（又唔補足錢俾你），或者減薪，咁你就可以去告佢．

想知多D，可以去呢度睇（澳門工作關係法律）：http://bo.io.gov.mo/bo/i/89/14/declei24_cn.asp

唔算, 因為加人工同出花紅唔係法定嘅, 冇人話你返足晒工一日都唔請假就會有人工加同花紅, 呢d係睇老闆嘅良心. 不過如果成日請假老闆對嗰個員工嘅印象就一定唔會太好啦.


2008-02-11 12:16:25 補充：
如果佢炒你就或者有得告佢.