其實我剛識我男友既時候佢同我講,佢話剛同個四五年既女友分手,
咁我先至同佢係埋一齊,但係近期我發覺我男友有第二個,我見有女仔send sms比佢
好似識左好耐咁,我連對方係第三者,定我係第三者都未知.(唔止一個女仔打比佢同send sms比佢,佢都有覆d女仔)
我唔想分手,因為我真係鍾意佢,而且佢真係對我好好既,平時都成日帶我四圍去,又食呢樣又食個樣,又唔會發脾氣對我,都好錫我既,但就係有時會失蹤同埋唔聽電話.
而家我都做返自己,因為我本身都有脾氣既,我都照樣會發,同埋扮唔知道,.因為我怕如果佢知道我知佢外面有第二個,都仲忍佢,會更加變本加厲.
大家點睇?
因為佢d 女仔send sms比佢話好掛住佢,同埋佢都有覆d 女仔話同佢地買衫同埋睇戲
同埋佢好少係我面前傾電話,佢部電話都較左冇聲既,我有次發現佢偷偷地打比個女仔,所以同佢嗌交,而個果女仔我又見過佢成半夜十二點幾打比我男友.
我諗佢都唔想失去我了,可能只係貪心,因為平日都對我極之好.
我開頭未肯定佢有第二個既時候都仲有問,
但我肯定左之後就唔敢問啦.我真係怕分手.
更新1:
我今年25歲啦
