✔ 最佳答案
當然可以作答,太客氣了,對於負責任及愛鼠既網友一向十分樂意回答
唔知之前實際有冇剪到指甲?而你鼠鼠既指甲有幾長呢?細隻既鼠往往較易有指甲過長既問題,但如果只係抓到你好痛,冇向腳掌生,其實就唔洗剪,寧願建議你俾佢抓下(我都知對人好殘忍)
除左行幼砂紙外,都可以試下買D木玩具俾佢爪下,而行砂紙可以每天都行十幾分鐘,情況可能會好D
而你有冇同小動物剪指甲既經驗呢?因為剪得唔好會流好多血(剪甲入面有血管),而睇返你之前剪到俾鼠鼠咬返轉頭,擔心佢一掙扎就出事,所以想再剪既話,建議搵多個人幫手OR搵獸醫幫忙
其實我自己都有幫鼠鼠剪過,之前幫人地隻兔剪過先夠膽剪,不過都真係只供參考,冇信心實在唔好試,之前我剪都只係因為我既鼠有皮膚病,抓損自己,又在半夜,只好獨力去剪,過程實在唔容易
聽過人地剪完,隻鼠流血流得好犀利,攪到要搵獸醫急救
本來打左我同鼠鼠剪既過程你知,但考慮左好耐,實在怕公開講呢D會有小朋友去試(剪得唔好太危險),其實都只係一D定住鼠鼠既手法,如果想知既可以SEND你既EMAIL俾我,我會開一開網友來信功能,咁你可以話我知你既EMAIL,我會用EMAIL回你,謝謝!(你既話等你補充我再開,謝謝)
如果會用其他方法幫你既鼠鼠亦冇所謂^^
另外,俾鼠鼠咬雖然冇咩危險,但有傷口亦記得消毒及貼膠布呢
2008-02-10 20:48:17 補充：
其實咁長度都唔洗剪住,不過剪開就要剪,剪過長得快D,我諗返起之前同鼠鼠剪既過程都好驚心動魄,祝你成功!你可以試下我都唔係第一次俾人攻擊,但就未試過咁好笑,幸好都有部份負責既及問者尊重我既回答呢^^我都祝你同你既鼠鼠及家人健康,唔好再俾佢咬,心痛又手痛呢!
2008-02-11 11:53:55 補充：
昨日忘記講,在遇上麻煩時都好多謝你既支持,想講好耐,都唔記得呢^^
