阿嬌明露面向公眾交代,大家有何看法?

如果阿嬌出唻, 唔擺受害人姿態, 我反而會同情佢, 原因係佢都叫做認係自己影, 並唔係移花接木, 講大話囉, 而且D相係比人偷出唻既.
自己唔想亂咁係人前擺出唻既樣同真性情都比人睇晒, 係好SHOCK, 佢肯正面面對的話, 我都唔會討厭佢囉, 只希望佢能夠以後潔身自愛.
反而好想講既係D FANS!
雖然陳冠希唔係一個好男人, 係濫交同爛玩, 但未至於殺人放火囉.
件事都唔係佢錯晒啦, 如果影相既人有錯, 點解自願被影既反而冇錯, 仲覺得佢係可憐呢?! 我認為要一視同人, 比人睇晒3點, 陳冠希都係啦, 有睇過相既人都知佢地雙方都係好開心, 享受緊情況下拍架啦, 男歡女愛就係咁架啦?! 純情玉女冇性慾架咩!! 女既就可憐, 好慘?!
要鬧就鬧偷相出唻放果個啦, 依家好似攪倒EDISON比放相果個更大罪喎.
佢都受倒懲罰啦, 點解大家唔比條生路人行呀?! 我真係好唔明囉. 基本上係一件好小既事, 只不過因為佢地係明星先係咁姐!
如果冇放相出唻果個人, 你地偶像阿嬌就冇事啦!
希望你地D FANS理智D啦, 剩係識得維護自己偶像, 對其他人失去公平! 可唔可以一視同人呢?!

雖然陳冠希唔係一個好男人, 係濫交同爛玩, 但未至於殺人放火????
咁仲唔夠衰??

只要說和Edison係真心相愛
定能脫身

我覺得d相一定係真, 如果係假既一早就講左啦, 駛等到依家咩?!
我依家14歲, 由小學睇到依家中學, 由Twins初出道睇到佢地紅,
依家發生d咁既事我都唔多信,
但係照咁睇, 個個女星都未有露面, 全部封晒口, 唔出聲, 一定係真架喇,
我好鍾意阿嬌架, 依家?! 對佢好失望囉! 就算你話我冷血我都係咁話,
呢d野係佢自己野番黎既, 點會比人影左相都唔知喎,
睇張相入面d女星都係清醒既, 有邊張相係合埋眼丫?!
如果聽日阿嬌仲以受害者姿態黎o係記者會度喊話d相係假,
我淨係可以講佢o係度自己呃自己,
市民大眾係識得分架! 我對阿嬌, 冇感覺
以上都係由我自己打出黎既, 你鍾唔鍾意阿嬌都好,
正如你所講, 你都唔係咁信d相係真, 因為佢之前個形象咁好!

我不嬲都幾鍾意佢,覺得佢幾有性格又靚,但今次呢件事之後對佢改觀晒......佢如果仲要出黎講大話,話d相係假,呢個人真係無得救....仲請佢唔好出黎喊博同情,佢係自取其辱

d相已經證實左係由陳陳先生部腦洩漏出黎
故此是真的0.0
其實做得娛樂圈既人唔少都是受污染了
形象不過係班藝人搵食既方法= =
我以前都覺得佢唔係d咁既人
比起阿sa,佢唔算姣
發生呢件事之後,先發覺佢原來外表斯文,內裹open@@

我希望佢會宣佈退出娛樂圈，如果佢有勇氣退出，大家都會覺得佢雖然曾經淫亂，但最後佢都改過自新，退出娛樂圈做番個平凡普通人，話唔定將來會搵到人娶佢，咁樣大家會為佢鼓掌! 不過呢個機會我相信好微，英皇一定唔俾佢走。
唔係嘛，d相係假，邊個咁有心機幫佢整百幾張移花接木呀? 個身可以換AV女星，但你睇下阿嬌o既very enjoy表情，你以前見過佢呢d表情未?
其實呢個淫亂事件可以警惕時下年青人，唔好亂俾人影相
圖片參考：http://hk.yimg.com/i/icon/16/58.gif

It is much better than hiding herself all the time.

我估係真既

唔係點解全部人潛哂水牙
兩面人就大把既
如果唔係真 點解搞咁多警察黎幫手
因為佢地睇唔到相入面有假既地方
d藝人又睇完 諗唔到講咩好 咪唔出聲囉

佢吾不如退出好過啦 遠離淫蕩圈

依家連第7位有啦= = 遲d可能仲會有新的受害者..............

坦白講，今次所謂交代咪又係做場show比人睇，件事点睇...d相係真係假，明眼人一睇就知，如果我係佢...就直情公開道歉就算喇，唔好再幫自己揾理由解釋....只会越嚟越黑人憎！
移花接木相其実己經有咗好多年，但係点解今次佢哋嘅反應会咁大，一d走佬、一d玩自殺...心知肚明啦！講真...如果佢哋嘅AQ同EQ高番d，今次就唔会咁大獲！

樓 主 小 姐 ：
我 同 你 都 係 阿 嬌 迷！
我 同 你 可 能 年 紀 比 阿 嬌 細！
我 同 你 一 齊 陪 咗 佢 七 年 ！
我同你一樣當佢係偶像！
我同你一樣都有買佢出嘅唱碟！
我同你一樣都有將佢嘅清新可愛大頭相貼在書房上！
我同你一樣識唱佢啲歌！
我同你一樣當佢係玉女掌門人！
而 家 我 話 比 你 聽：：：：
我 同 你 比 人 騙 咗 啦..啦...啦....啦.....啦......啦 .......啦！
你 話----- [ 講 真 丫 d相 真 係 好 鬼 色 情 嫁, 我 無 睇 過,係 報 紙 打 格 仔 見 過。]
我 講-----212 張網上相片我睇過，阿嬌一字馬....容--字欵...什麽毛色，我都有看到過！
到..而..家..你..同..我..對..七..年..偶..像..的..評..價..不..同..了：：：
理 由：：：你 仲 未 有 睇 過 212 ------------
樓 主小 姐，醒 一 醒 呀！

其實我覺得大家應該支持阿嬌，就算不支持，亦都不要再議論紛紛、落井下石。姑勿論那些照片「是真是假？？」、「拍照時她是否自願？？」... 這些已經沒那麼重要，而最重要的還是她有勇氣站出來，面對自己，面對群眾，為自己所做的事負責。每位藝人都有自己苦心經營的形象，要一直堅持，避免行差踏錯，談何容易？畢竟他們亦是普通人，希望大家都抱著包容同理性的態度，讓當事人適當地處理及解決事件。

其實件事發生左，
當事人或者係「受害人」都係係無心理情況之下要接受Ｅ一樣野，
唔通你話真係一下子就出黎同大家解釋定點咩，
佢地每個都需要時間既，
其實只要我地將心比己就可以想像到，
陳先生出黎公開道歉，比大家都話佢ＡＮＤ指責佢，
雖然佢係有責任，但係佢肯出黎道歉，
已經要有好大既勇氣，
至於個Ｄ相，其實係真嫁啦，
如果係比人合成的話，都唔需要出黎公開道歉啦？
其實唔係話難以至信，一對情侶有性行為係正常既事，
佢地又唔係未成年，加上個Ｄ相一定係有一定歷史之前既事，
而佢地係發生性行為既時候自拍，基本上只要係佢地自己先願就冇問題啦，
衰就衰左佢地大家都係明星ＡＮＤ公眾人物，
其實如果Ｄ相冇公開，大家仍然會係咩事都無發生過，
所以件事要怪既就怪「唔小心」Ｅ３個字ＬＯ！
無論點都好，邊個岩邊個錯，已經件事都已經發展成咁，
我地唔好再係人地既傷口上再開刀啦，比佢地一個空間ＬＯ！

ＰＳ我不是任何人的ＦＡＮＳ，這只是我的感覺。