可否由澳門蒲京酒店走路到外港碼頭(坐船回香港)？

冇樓上二樓嗰位網友講得咁跨張，新葡京其實就響新口岸區旁邊，而港澳碼頭亦都係新口岸區，同一區點講都唔算係行晒成個澳門咁跨張．

剛剛好認真咁度過地圖，新葡京到港澳碼頭大約只係２公里（唔係直線距離，係有路行嘅距離），按照一般成年人嘅腳程同埋步速，一個鐘行５公里左右，即係大約二十分鐘就可以到（預鬆少少，半個鐘一定行得到）．

不過，真係要行，就唔好行友誼馬路啦，一來遠咗，二來天氣涷，行友誼馬路食風都食飽啦．

比較好行又唔易走失嘅路：
新葡京沿羅理基博士大馬路向富豪酒店方向行，過咗富豪，直行行到治安警察局，轉右，行入去北京街（即係治安警察局另一邊），轉左沿北京街直行，穿過宋玉生廣場（香山公園，見到利澳酒店），去到高美士街，繼續沿高美士街再向前行，經過理工學院同埋金域酒店之後，向金蓮花廣場行，穿過金蓮花廣場，直行再穿過國際中心（可以順便拜埋四面佛），去到回力球娛樂場，過咗回力球，旁邊有條扶手電梯，上天橋，沿住天橋行，就可以去到港澳碼頭．

如果唔想行，可以考慮坐各大賭場免費穿梭巴士，響新葡京食完晚餐，可以行去永利或者星際搭（新葡京免費車有時要問你攞VIP卡或者住客證先俾你坐，永利就唔使，而且落雨搭車仲有遮送埋）．

恭喜你當了知識長

緊係可以la...
你係葡京行路到碼頭大約30分鐘已經夠la....
如果5識行就一路行可路問人啦.....