Agnes B銀包分真假

呢個Agnes B銀包係真係假，我唔敢100%肯定。
但我可以肯定呢個賣家有問題：

第一：
表面上佢係個100%Good Comment嘅買/賣家，但係你去睇睇佢最近一次嘅成交日期係成三年幾前嘅2004年9月尾，當時唔知係邊方面嘅問題，呢個賣家要搞到10月尾，直接畀個劣評個買家，然後又唔知咩事，要搞到11月尾再約見面交收，睇嚟應該係佢地溝通上出現問題 ... ，就係因為呢個原因，呢個賣家一直再無用呢個ID，直至依家有嘢想放，就用番呢個100%Good Comment嘅ID，但實際上，佢喺呢幾年有無喺Yahoo拍賣用另一個ID去買/賣嘢，就真係好難講！如果真係有，都可能唔係好見得人，否則，都唔會無端端用番個幾年無用嘅舊ID啦！

第二：
呢個賣家所拍賣嘅幾件貨品D相都係唔清唔楚，似乎想吸引D買家主動留e-mail畀佢。

第三：
呢個Agnes B銀包唔係新貨，又唔係限量版，全場衹有佢呢個，咁一定係舊貨，睇相都見個銀包舖晒塵，重要賣成千銀？

第四：
亦係最奇怪嘅一點：賣家喺Q & A向發問者交待個銀包點解無單，佢話個銀包係「人地送既」，咁點解之前有人問佢，個銀包係男裝定女裝嘅，佢好似完全唔知咁？？ 咁到底個銀包係真係人地送既，定係喺邊度得嚟，呢點好重要！

最後，畀個忠告你：既然攞得成千蚊出嚟買個銀包，不如去專門店買啦！

^^ 希望幫到你！^^