s5is vs fz18

✔ 最佳答案

呢兩部計我覺得FZ18比較好.一來玩高倍變焦相機梗係有長焦距得咁長,FZ18可以去到504mm,比S5is遠,而且仲解決咗長zoom機一路以來放棄廣角焦距的問題,兼備28mm焦距.雖然話越高倍變焦鏡頭越難保持質素,但係長zoom機反正不能要求太高,不如焦距好用較實際.
兩部機的微距最近對焦距離都好出色,看似0cm比1cm好,但其實冇乜分別的,1cm已經好難對到焦,0cm只是數字遊戲.不過有得必有失,FZ18的廣角焦距是28mm,在同一對焦距離下,這會令它比有35mm的S5is比較影冇咁大.
以下網頁可以睇到相機的規格
http://dcfever.com/cameras/camera_database.php
現在買相機通常都係用記憶卡,相機袋一類物品,規格通常都係麻麻地嗰隻,叫做好過冇.
雖然兩部機都出咗一段時間,但係睇唔到仲有乜可以大改良,現在買都OK的.
但係世事冇咁著數的,長焦距的拍攝技巧要求跟短焦距好唔同,好多時唔係zoom得到埋去就影到,手震,快門唔夠快等問題會隨住焦距增長而被放大.諗住日光日白用都OK,諗住用來室內去追星就多數會失望.否則記者唔駛用啲大炮鏡頭加單鏡機影.

回答 (2)