✔ 最佳答案
冇!所有樂器都會有考試,因為要知道你的水平到邊,千萬唔好睇小牧童笛,佢之前係樂團的靈魂,但係當flute,clarinet......等等的樂器陸續出現時,牧童笛就out左啦!
牧童笛,有人會叫佢木笛或者直笛,係樂器一種。佢屬於木管樂器,係條直身長管,唔使靠簧來發聲,同哨子差唔多。笛嘴有吹口,笛身有八個窿,另有兩個細窿響尾個兩窿整半音,笛身頭上有個尖板嗰開口。係由口吹氣過笛嘴嘅窄管,窄管嘅氣撞落尖板,令到空氣振盪。笛身窿就用來控制音高。
牧童笛有悠久嘅歷史,現時保存到最耐嘅牧童笛係14世紀。更加古老嘅西洋畫上面有類似嘅笛,不過最早幾時出現重未有定論。牧童笛曾經風行幾個世紀,曾經組成78支笛嘅樂團。去到18世紀先至沒落。直至到成20世紀,同唔少古樂器一樣,畀人搵出來推廣。家下係好流行教學樂器。
古代唔少作曲家會將牧童笛同雀或牧童拉上關係,所以叫牧童笛。
2008-02-16 14:10:54 補充:
如果你想知道有關樂器的資料,可以去library睇o下,勁正,(我都睇左唔少,所以先知道)