✔ 最佳答案
聽完你咁講, 我有小小意見:
1) 之前佢好大機中意你(唔你中意都起碼有好感先), 唔係都唔會為左你唔同阿怡傾計
2) 你要明白, 之前成班同學都話阿智中意你(未必造謠, 所謂空穴來風未必冇因), 最好時機果陣你冇同佢表白, 現在你處於劣了(可能阿智係想試下你對佢點啫), 如果你要嬴返阿智, 呢場仗都幾難打.
3) 可能阿智中意左你一段時間, 見你又冇咩反應(阿智既好多好多個朋友都同我告密你都冇表示), 佢就唔開心+心淡, 有第二個女仔中意佢又成日一齊做野, 就好容易移情別戀, 好難中意返你架啦!
4) 阿怡如果同你唔妥+佢係姣婆, 可能佢故意溝阿智, 一來要激你, 二來發揮姣婆本色, 姣婆通常得到男仔既心+自己個心不定, 就會溝第二個(就算唔散住, 佢成日姣第二個, 你話條仔會點???)
5) 阿智對佢半冷淡,但佢仲係好厚面皮咁『痴』埋阿智度, 阿智點罵佢都係笑住口, 口口聲聲話自己純潔,實際上發姣<==姣婆本色+勇氣可加, 呢D係小人所謂...
6) 之前你同阿智講,唔好唔記得邊個係度挑釁我同你<==明知有人挑釁佢同你, 點解唔盡快表白昵? 講呢D野米令阿智覺得"你又唔中意我, 又唔俾我中意第二個, 你想點呀?" 我唔知你仲有冇做過或講過其他野(冇意中)hurt左佢個心, 如果佢未對你死心(即係仲中意你, 亦未死心同你一齊), 都有機追返佢, 否則....
跟劇以上分析你既處境(唔知準唔準), 現在你都幾麻煩, 不過佢都唔係話咁中意你, 唔係都唔會咁易移情別戀(正如我中二鍾意左個女仔, 到依家已接近十年(七年冇見過佢), 我都一樣咁中意佢, 可能冇同過佢一齊唔死心掛).
如果你唔係因為淡氣/其他原因, 而中意佢要追返佢, 加上佢對你仲有feel+未死心既(有成功機會), 我會試下同佢表白, 要個男仔下決定(就算失敗, 都試過先啦), 起碼件事唔會拖到唔知幾時先解決:
"其實我中意左你好耐, 我知當時你都中意我, 因為我feel到+你D朋友同我講過."
"當時我冇同你開始, 因為我想大家了解清楚大家而唔想一齊左先, 同埋我要清楚對你唔係一時間既錯覺, 怕日后發現左自己對你係一時間既錯覺會hurt左你, 我唔想因為我既失誤而hurt到你令你唔開心呀"
"我知你中意左阿怡之后, 我個心好痛好難受, 點解你要咁對我, 只係差小小你就選擇放棄? 個姣婆出現左之后你就放棄左我, 係唔係你唔係咁中意我? 你唔係咁中意我又追我?"
"首先我要講對唔住, 之前我唔色做或做錯左, 講左D令你唔開心或令你誤會左我為人既說話(比如你同佢講你唔好唔記得邊個係度挑釁我同你), 之不過當時我發現左之后, 太激動先咁講!"
"咁唐突同你講咁多野, 只係我控制唔自己, 你可唔可以放棄阿怡, 同我一齊?"
之類既說話啦, 意見就俾左你, 自己決定點做啦, 今日年初二, 唔好咁唔開心啦!!!
P.S.
心想事成