攝影 黑白對比 Contrast

1. 佢應該有一個大光源由背後射去架單車度, 加上夜晚暗位唔夠光咪可以做出咁大對比囉
2. 仲易, 利用剪影技巧, 車廂內本來就唔夠光, 收細埋個光圈(f16/f22或再細)就可以令到車廂內既detail冇晒
影黑白相要做出對比最大功臣就係光圈夠細, 加埋如果光源夠簡單就ok, 唔得既話, 利用紅色filter做大個contrast (只適合用係黑白菲林), 加腳架將光圈收到盡, 多數會有你想要既效果.
講真, 我覺得佢夾硬用電腦推高個contrast......

2008-02-13 00:24:28 補充：
好少見我既答案會影響到人返睇成篇問題,不過樓上似乎有少少唔明:二號相因為大光由車外射入而少光係車廂內, 所以用平均測光好容易做出出便爆晒光而入便唔夠既情況,不過, 影黑白相, 用菲林同用DC影係完全兩個世界.

2008-02-13 00:38:47 補充：
黑白照冇話風景人像, 高對比度可以做出一個蒼老感,用黎影老人家, 古舊建築都可以,用紅色FILTER係指用黑白菲林時, 因為佢對紅色既感應冇咁敏銳,所以就可以簡單咁做出提高反差既效果.依家如果你用DC, 本來係彩色既相夾硬改做黑白, 中間O的咁反差暗位可以用電腦就, 使鬼理?

2008-02-13 00:39:04 補充：
另外, 如果景物以紅色為主, 落左去黑白相, 會變成白色,咁黑位會由其他位置補上, 就已經唔需要利用FILTER,而如果你只想影全紅既景物, 又要反差, 又要黑白, 呢O的接近搵黎搞既相唔可以用一般方法對付, 唔該先定好環境參數至再傾.光源強係冇錯可以做出高反差,不過同時亦要睇受光景物有冇做到陰影,同樣, 無法一條通例行均全世界,

2008-02-13 00:39:12 補充：
另外, 細光圈絕對可以加大對比度, 只係一般影時唔夠極端O者,試下用1.4光圈影人再用16光圈影, 你會發覺用1.4 時真係會淡O的.當然景深亦令遠處既陰影更加清楚易見, 再加強反差效果攝影冇咩通例鐵則呢O的野, 如果有咩新想法我歡迎拎出黎大家吹吹,不過就果兩張相, 可以講既唔多,(事實上兩張相由全黑到全白得兩個層次, 找唔認為係一張好既黑白相因為欠缺中間既層次)

#1 應該係日頭﹐晚上街燈唔似會造成咁強ｏ既影﹐邊位唔會咁實。

其實有光就白ｏ的﹐無光就黑ｏ的。
物品本身ｏ既黑白就同本身顏色有關。

曝光上先唔好特別搞ｏ的咩﹐平時點影就點影。
唔使就黑白特登改ｉｓｏ、光圈同快門。

2008-02-11 17:35:51 補充：
再睇返 #1 ﹐又真係似夜晚影﹐我先收回上面o既話。其實樓主o既相係點我唔知﹐究竟係咩問題好難係言語間講得清。係度只可以段估咁講﹐光。有光先分得出光同暗。如果光源好弱好平板﹐出o黎反差自然細。可以通過後製提升反差﹐你亦可以係機身設定唔同反差值。

2008-02-11 17:36:17 補充：
#2 反而有o的可以留意﹐客觀環境下個光就係側光﹐車箱內暗就自然係黑。最大難度係測光。基本上你就咁影﹐好可能已經出到咁o既畫面﹐要睇相機o既測光系統點去處理。如果相機o既測光系統決定影光o的﹐唔係你想要o既效果﹐你可以用曝光補償﹐set 去減o個邊﹐咁張相就會暗返。你都可以係 software 調整。不過最好係係影o既時候已經做到 70-80%﹐越多越好﹐餘下用 software 微調。呢個方法﹐係彩色定黑白都一樣。就曝光o黎講﹐唔使對黑白作特別處理。

2008-02-11 17:37:58 補充：
另外﹐可能係以住黑白照多以風景為主題﹐常用紅 filter 去加大反差﹐令人以為要加大反差就要用紅 filter﹐但咁其實係一個以遍蓋全o既講法。紅色 filter 加大 contrast 係會令天空更深色﹐但紅 filter 本身減弱o左紅色﹐如畫面以紅色同近似紅色為主﹐加紅 filter 係減低o左反差。紅 filter 唔係咩時候都o岩用﹐要睇你影咩。或者可以去下面睇睇﹐可以睇到唔同 channel 下﹐某o的顏色之間反差大o左﹐某o的細o左。http://www.pbase.com/micros/rgb

2008-02-11 17:40:16 補充：
再講多一點﹐要係光源本身已夠強﹐反差自然較大﹐任何光圈都可以影到大反差﹐唔一定要細光圈。純粹利用光源﹐已經可以做到高反差﹐呢兩張係用大光圈影o既 。http://www.pbase.com/micros/image/58892810http://www.pbase.com/micros/image/59748464光圈o既大細極其量影響景深﹐長景深下光位無咁化﹐但整體上對光差絲毫無影響。

2008-02-13 01:09:52 補充：
re 補充時間：2008-02-13 00:39:12「最大功臣」肯定唔係細光圈而係光。無合適o既光﹐咩光圈都一樣。細光圈係唔係可以提升反差﹐等你o既實證。就算有﹐效果唔會及光質及光向o黎得直接。我已經俾o左大光圈o既 sample 你睇﹐有咁o既光就有咁o既反差。你又試下用大光圈同細光圈影﹐睇下個分別可唔可能大到有咁o既效果﹖

2008-02-13 01:19:22 補充：
re : 補充時間：2008-02-13 00:38:47, 補充時間：2008-02-13 00:39:04中 point所以唔好咩知咩環境就叫人用釭 filter。另﹐紅 filter 唔只可以加強老人家o既蒼老感﹐後生o既都變蒼老 ...... 因為嘴唇會白到無血到咁。反差大了﹐卻得不償失。

2008-02-13 19:55:11 補充：
最大光圈時﹐反差確稍低。但收少少光圈﹐反差已經提升﹐反而再細都唔會有提升。再睇下o的光﹐只要個光夠硬﹐反差自然會出。光圈幾大都照樣出到。http://www.pbase.com/image/92906755最大功臣係唔係細光圈﹖細光圈有幾大影響﹖自己判斷。

2008-02-13 20:02:56 補充：
再多一個比較。相機o既反差設定由 normal 轉成 high。單係改呢個設定﹐效果已經比細光圈明顯。http://www.pbase.com/image/92907062再者﹐若果真係要用細光圈換高反差﹐就會失去景深o既使用彈性。唔通要淺景深時都收光圈﹖簡單兩個 test 已經睇到﹐光線同相機反差設定帶出o黎o既效果﹐遠比細光圈明顯。細光圈對反差提升效果有限﹐卻可能出現副作用﹐更莫講話係最大功臣。