我撞到人...佢要我賠心靈受傷費low...有無d咁既野家(20分)

澳門法例係講”釋法”，而唔係睇”案例”（澳門同香港唔同）．

呢個case，對方似”勒索”多過似”合理索償”．

合理索償係由你嘅保險公司賠俾佢．你俾咗excess俾你嘅保險公司，剩低就係保險公司同佢計，同你再冇關係（就算你醉酒駕駛，犯法，都係保險公司同你之間嘅關係(保險公司會要你賠返俾公司)，你都係唔使理對方），通常，保險公司會同對方瞭解情況，對方醫好之後，交返D單去保險公司，保險公司就會賠俾佢，如果對方”心靈創傷”，又有正式醫生診斷，屬實，要賠幾多，保險公司自然有一套計算方法，你唔需要擔心（除非你撞到對方唔生唔死，終身嚴重殘廢，保單保額唔夠賠，咁就有機會要上身，不過都係錢債上身啫，都係唔使坐監嘅）．

總之，如果你係合法揸車，只係違反交通規則撞到人，你又冇不顧而去，咁佢冇可能告得你入（佢要告，由得佢告，因為佢要自己請律師告，排期都排幾年啦），你又冇做錯，根本唔怕有罪或者留案底．

不過，如果對方用非法手段麻煩你，咁你就自己決定要唔要俾少少”方便錢”啦．

想知法例點寫，去呢度睇啦：http://bo.io.gov.mo/bo/i/94/48/declei57_cn.asp

e個情況的話你放心,你唔洗賠錢比佢,
佢咁樣係的話同勒索有咩野分別,如果佢話佢
心靈受傷的話,在法律觀點下係不受理架,因為佢講姐,
如果就咁講都合理,我話我係某名人個仔分佢家產都得la,
你可以叫佢拎份臨床心理醫生ge證明書證明佢真係心靈受傷,
如果唔去睇醫生的話,好對唔住佢點告你都告唔入,無證明啊嗎,
不過記住檢查時候你要在場,唔係佢地夾埋就唔好la,
不過如果真係心靈受傷的話,就唔賠唔得la,祝你好運!

2008-02-07 19:46:07 補充：
法例完全無咁講過話佢想要一比錢,你就要比,不過如果佢要你比ge錢,數目少的話,比佢都無壞啊,大家都開心,好心有好報啊,不過數目太高的話la wo,就再同佢討論下個價錢la!