衰11&改口供問題= =(等救命)

1. 你所講的"衰11", 係指 香港法例第200章<刑事罪行條例>第 124條 - "與年齡在16歲以下的女童性交". 普通人誤會此條例名稱為"與未成年少女發生性行"(11個中文字), 所以叫衰11. 條例內容:
任何男子與一名年齡在 16歲以下的女童非法性交， 即屬犯罪， 一經循公訴程序定罪，可判處監禁5年。
你係自願上佢屋企及自願同個男仔發生左性行為. 亦接近16歲. 唔係咁大件事. 但可惜你確實未夠16歲. 所以如果d差人真係要告佢, 根本無得打. 唯一可以講就係佢唔知你未夠16歲.
如果佢認罪, 有可能判社會服務令. 最壞係判勞教中心.
2. 你在此案中身份係受害人, 所以個官唔會罰埋你. 但你會要上庭作證.
3. 如果之前你話過有同條仔搞野, 但到錄口供時你又死口話唔記得, 或者唔肯講條仔住邊電話等之類既野, 警方會有可能告你妨礙司法公正(俾假口供). 妨礙司法公正會要坐監, 千祈唔好制! 而且你突然改口供, 警方會懷疑條仔教你咁做, 會告埋佢妨礙司法公正. 以前林義鈞(影星吳雪雯男友)在楊受成涉嫌非法禁錮佢一案中都係玩失憶, 結果坐監.

妳係可以錄口供時乜都唔講，敢樣唔算俾假口供，警方就冇証據去告果個男仔，但就算佢比人告亦唔見得好唔公平。

呢個網有教

http://metalliax.myminicity.com