我想問下「無後座力炮」問題 ... ...

都唔知樓上既仁兄講咩。無後座力炮既原理好簡單。當普通火炮發射，炮彈因它自己攜帶既推進藥被引爆而使整枚炮彈向前飛行，根據牛噸既作用力同反作用力原理，炮彈向前飛行會同時間將一個同炮彈前進方向相反既力施加係火炮身上，於是令火炮向後退，咁樣會影響火炮既準確度。無後座力炮就係一種被特別設計既火炮去解決火炮後退既問題。大概原理係當炮彈被擊發時，炮彈所產生嗰陣向後噴，從而令火炮向後退既氣體會從炮管尾部一啲被特別設計出黎既洞口穿過噴到大氣中，呢個動作令炮彈前進時產生既反作用力唔再好似普通火炮咁作用係炮管身上，而係作用係向後噴既氣體身上，於是火炮就唔會後退。
無後座力炮係一啲口徑比較小既火炮，主要用黎打坦克。依家已經好少有軍隊用呢種火炮，因為使用既時候向後噴出既氣體對炮手黎講非常危險，所以當反坦克導彈係1970年代大行其道時，無後座力炮就好快被淘汰。另外，無後座力炮對步兵亦唔係太有用，因為佢口徑小，威力唔夠，用迫擊炮或槍榴彈會有差唔多既效果。

有後座力係因為個撞嘴係開火既時候撞擊而出現,只要係唔需要用撞嘴or其他野將彈推出去就唔會有後座力,雷射槍就係一個例子(姐係雷射切割機果D)