我想問關於grilled salmon 跟咩汁好呢

Sauce Diable係用青葱(Shallot), 白酒, 百裡草(thyme), 番茄醬, 乾芥辣, 胡椒等制成的啡色汁. 多配肉類及家禽. 個人認為配烤三文魚太濃, 蓋咗三文魚的味.
Bernaise Sauce 是用牛油及蛋黄加上白醋, 龍嵩草(tarragon), 青葱(shallots)及山蘿卜(chervil)制成的淺黄色忌廉狀(其實唔係忌廉, 而係乳狀液emulsion)的汁. Bernaise Sauce 多配肉類, 家禽及蔬菜, 很少配海鮮.
Beurre Maitre d'Hotel其實就係撈咗荷蘭芹(parsley), 鹽, 檸檬汁同黑胡椒嘅牛油(Beurre係法文, 牛油咁解, 而Maitre d'Hotel, 簡稱Maitre d', 又係法文, 餐廳總管咁解). 多數配紐約牛扒(New York Strip), 成塊牛油放上肉面等佢溶, yummy! 但就肥咗d. 配烤三文魚都ok, 幾好味.
個人意見grilled salmon就咁配海晶鹽(rock salt)及鮮檸檬汁已經好好味.

教你整個法-日fusion烤三文魚:
材料: 三文魚柳 / 檸檬汁, 黑椒, 大蒜粉, 鹽少許 / 1/3 杯日本豉油 / 1/3 杯黄糖 / 1/3 杯水 / 1/4 杯橄欖油(芥花子油亦可)
1. 將檸檬汁, 黑椒, 大蒜粉, 鹽擦於三文魚上.
2.在碗中加入日本豉油, 黄糖, 水及橄欖油. 攪到黄糖全部溶解. 將魚放入保鮮密實袋, 倒入汁液, 封袋放入雪柜最少2小時.
3.取出三文魚, 棄掉汁液, 放在預先熱好的烤爐, 每面烤約5-6分鐘(只可反轉一次, 唔好反完又反, 否則魚會老).
教多你一個蜜糖芥辣烤三文魚:

材料: 三文魚 / 8 匙羹蜜糖 / 4 匙羹法國芥辣(Dijon mustard) / 4 匙羹暖水 / 1 匙羹橄欖油(芥花子油亦可) / 3 匙羹日本豉油 / 1 茶匙鹽 / 1/4 茶匙黑胡椒

1. 將蜜糖, 法國芥辣, 暖水, 橄欖油, 日本豉油, 鹽, 黑胡椒撈埋.
2. 在一面三文魚身搽橄欖油, 烤5分鐘, 反轉.

3. 烤第二面時在魚身搽上蜜糖芥辣汁.
4. 烤多5分鐘.
5. 上碟時跟蜜糖芥辣汁(分開上).